Jěchanski turněr w Hórkach

Konjace sportowe towarstwo Při Klóšterskej wodźe Pančicy-Kukow přewjedźe jutře a zajutřišim, sobotu a njedźelu, w Hórkach swój mjeztym 33. jěchanski turněr. Pruwowanja wotměja so w přezpólnym jěchanju, dresurje a skakanju. Wobaj dnjej so na arealu při sportnišću wot ranja hač do popołdnja wubědźuja. Wjeršk budźe njedźelu w 17 hodź. jězdźenje z konjacymi zapřahami. Wubědźowanski program wopřija cyłkownje 22 pruwowanjow.

Pokalnej kole

Na krajnej a tež na wokrjesnej runinje steja pokalne hry w hrajnych planach. W prěnim hłownym pokalnym kole nastupja Ralbičanscy Sokoljo dźensa w Arnsdorfje přećiwo klasu niže hrajacemu mustwu Arnsdorfskeho koparskeho towarstwa. Amtěrowacy pokalny dobyćer Sokoł Ralbicy/Hórki hraje přećiwo aktualnemu načolnikej wokrjesneje ligi stafla 1. Domjacu lěpšinu změjetej njedźelu rezerwje SJ Chrósćicy a ST Radwor.

04.09.  19:00  Arnsdorfske KT –

  Sokoł Ralbicy/Hórki

05.09.  15:00  TSV Wjazońca –

  SJ Chrósćicy

05.09.  15:00  HZ Bretnig-Hauswalde II

  – SJ Njebjelčicy

05.09.  15:00  ST Zemicy-Tumicy –

  ST Marijina hwězda

06.09.  14:00  SZ Drjewnica 05 –

  HZ Njebjelčicy II