Mały Wjelkow (SN/bn). „Ins Herz gesungen – Herrnhutische Wundenmystik in deutschen und sorbischen Liedern der 1740er Jahre“ je titul masterskeho dźěła rěčespytnicy Marleen Schindler, kotrež bu lětsa w Małym rjedźe Serbskeho instituta (SI) wozjewjene. Wčera wotmě so po słowach zawod podawaceje dr. Lubiny Malinkoweje „trochu zapozdźena knižna premjera“ w historiskej jědźerni Małowjelkowskeje sotrownje.