SJ Chrósćicy

– TSV Rotacija Drježdźany 1:3 (0:0)

Zestawa domjacych: Králíček – F. Cyž, B. Cyž, Sentivan, Püschel (90. Šiman), M. Zahrodnik, G. Zahrodnik, Henčl, Henzl (73. Młynk), Runt, Beneš

Při najrjeńšim nazymskim wjedrje nastu­pichu koparjo Chróšćanskeje SJ njedźelu doma přećiwo Rotaciji Drježdźany. W tabulce běštej mustwje do hry hišće susodaj z pjeć plusowymi dypkami.

Hra so měrnje zahaji. Wobaj cyłkaj nochcyštej sej spěšne wrota popadnyć a koncentrowaštej so na stabilnu defensiwu. Domjacy při tym hłownje bul w swójskich rjadach dźeržachu. Koparjo z krajneje stolicy łakachu ze spěšnymi hrajerjemi na kontery, kotrež pak zamó defensiwa hosćićelow derje zakitować. Chróšćenjo mějachu swoje móžnosće po zdźěla dobrych kombinacijach, tak tež Tom Henčl. Jónu wujasni hóstna defen­siwa situaciju hišće runje tak před wrotowej liniju, a jónu smokny Henčl bul ze sylnej lěwej nohu na žerdź. Tež Jaku­bej Benešej falowaše poslednja koncentracija před wrotami.

ST Marijina hwězda

– HZ Rakecy II/Šćeńca 2:0 (1:0)

Zestawa domjacych: O. Schmidt – Wróbl, Škoda, Rab, R. Cyž, Peschmann (81. Čornak), Pjetaš, Hawš (73. P. Schmidt), Ch. Cyž, Zelnak (63. Eldor), Pakoßnick

Kermušnu njedźelu je prěnje koparske mustwo Sportoweho towarstwa Ma­riji­na hwězda cyłk Hrajneho zjednoćenstwa Rakecy II/Šćeńca pohosćiło. Na­čolnik wokrjesneje ligi, stafle 2 hraješe přećiwo poslednjemu. Přiwšěm běše to twjerdy worjech. Prěnje šansy přez Ja­kuba Zelnaka (12., 14., 22.) a Falka Pesch­manna (29.) pak wostachu najprjedy raz bjez­ wuspěcha. Hižo zahe Pančičenjo hosći­ při hrajnym natwarje mylachu. Tak na přikład w 40. min., jako Peschmann přećiwnika myleše, a tón bul zhubi. Zelnak běžeše na to sam na wrota, je pak so wopak rozsudźił. Město ze zdalenosće šěsć metrow sam na wrota třělić přihra wón bul Ja­kobej Pakoßnickej. Wrotar pak jón po­padny. 1:0 poradźi so domjacym hišće do połčasa. Matijas Wróbl bě hrajny nastroj wotpopadnył, a wšitcy pře­šalto­wa­chu hnydom do nadběhoweho mo­dusa. Tak dósta so kulowata koža přez Wróbla k Pakoßnickej, kiž wuhlada Christopha Cyža, a tón trjechi ze zdalenosće 14 metrow (42.).

Kopańca, NOFV-wyša liga

Grimma – Olbernhau 6:0 (3:0)

Pirna-Copitz – Kamjenc 1:3 (0:1)

Riesa – Radebeul2:0 (1:0)

Lößnitz – Großenhain 2:3 (1:0)

Taucha – Nowosólc-Hródk 2:0 (1:0)

Markranstädt – Kamjenica 4:0 (2:0)

Glauchau – Niska1:2 (1:0)

Mittweida – Markkleeberg 1:1 (1:0)

čoło tabulki

1. FC Grimma 8 23 : 3 20

2. Jednota Kamjenc 8 21 : 5 19

3. FC 1910 Lößnitz 8 17 : 9 15

4. Großenhainski FV 90 8 16 : 10 14

5. SV Olbernhau 8 13 : 15 13

krajna klasa

Ćisk – Weixdorf1:0 (1:0)

Drježdź.-Strěžin – Nowe Město 1:1 (0:1)

Oderwitz II – Běła Woda  0:4 (0:1)

Großröhrsd. – Borea Drježdźany 1:2 (1:0)

Laubegast – Horni kraj-Sprjewja 4:0 (2:0)

Neugersdorf II – Trjebin 1:0 (0:0)

1. FC Neugersdorf II 7 15 : 8 16

2. LSV Nowe Město 7 26 : 9 15

3. VfB Běła Woda 1909 7 27 : 11 14

4. SZ Drježdźany-Strěžin 7 14 : 8 12

5. SG Weixdorf 7 15 : 14 12

6. Laubegast 7 15 : 10 11

7. SC Borea Drježdźany 7 12 : 9 11

8. FSV Oderwitz II 7 10 : 9 10

9. TSV Rotacija Drježdźany 7 11 : 17 8

10. ST Ćisk 7 13 : 16 7

11. SC Großröhrsdorf 7 8 : 10 6

12. SJ Chrósćicy 7 13 : 22 5

13. ST Trjebin 7 5 : 19 4

14. ST Horni kraj-Sprjewja 7 9 : 31 3

Po wulkotnym lěću z dosć móžnosćemi za bičwolejbul trenowachu Pančičanscy wolejbulisća wot septembra zaso w hali za nowu sezonu. Na prěnim hrajnym dnju čakaštej wustojnej cyłkaj z Budyšina a Chróstawy na klóšterskich muži.

MSV Budyšin 04 IV

– ST Marijina hwězda 1:2

(25:18, 17:25, 9:15)

Hosćićel a přećiwnik prěnjeje hry bě w zašłej sezonje w dobrym srjedźnym polu sobu hrał. Tohodla startowachu Pančičenjo kedźbliwje a snano tež tróšku nerwozni. Wšako běchu jenož dwě treningowej jednotce do toho wotměli. Bórze pak bě spóznać, zo njetrjebaja so chować. MSV njeměješe swoju optimalnu, sylnu šestku na polu. Za prěnju sadźbu wšak su to hrajerjo ST Marijineje hwězdy přepozdźe spóznali.