Z wurunanosću sej druhe městno wubědźili
Kónčna tabulka regionalnych seniorskich mišterstwow we wolejbulu
1. VZ Nordhausen 6 6:2
2. FSG Budyšin/ST Mar. hwězda 4 5:2
3. SZ Motor Thurm 2 3:4
4. VZ Königstein 0 0:6
Po dobyću bronzoweje medalje na sakskich mišterstwach seniorow w Lubiju pohosćichu wolejbulisća Budyskeje FSG a ST Marijineje hwězdy dalše tři cyłki w sportowej hali Serbskeho šulskeho a zetkawanskeho centruma Budyšin, zo bychu so wo jězdźenku za němske zwjazkowe mišterstwa w Berlinje wubědźowali.
Nimale by so Budyskim serbskim a němskim senioram sensacija poradźiła, woni pak su finalnu partiju přećiwo durinskemu mištrej VZ Nordhausen z 1:2 snadnje přěhrali.
W turněrowej formje hraješe kóždy přećiwo kóždemu dwě dobyćerskej sadźbje. Po wulosowanju nastupichu Łužičenjo najprjedy přećiwo VZ Königsteinej, aktualnemu sakskemu wicemištrej. Tón pak njeměješe tónraz wšitkich hrajerjow k dispoziciji a bě w přijimanju nadaćow a w nadběhu słabši. Přěhra tuž wobaj přechodaj z 19:25 a 18:25.
Rjany předskok z ruki dali
SJ Njebjelčicy
– SV Haselbachtal 3:3 (3:0)
Zestawa domjacych: Hahn – Zeller, Hrjehor, Pawlik, Hanuza, Haška, Lejnart, Šołta, Čornak (70. Kral), Ričel, Korjeńk
Wječor do swjedźenja Božeho spěća běše za Njebjelčanskich koparjow nachwatanska dypkowa partija přećiwo SV Haselbachtalej postajena. Přihladowarjo dožiwichu dwaj cyle rozdźělnej połčasaj.
Z remisom njespokojom
Sokoł Ralbicy/Hórki
– Módro-běli Kulow 2:2 (2:1)
Zestawa domjacych: Gloxyn – Rawš (90. Kř. Matka), Młynk, Šewc, Materna, Janca (77. Korjeńk), Bjeńš, Bejma, M. Matka, Kurjat, Domaška
Zestawa hosći: Adler – Pohl, Hantschke, Korch, Streicher, Katzer (46. Wehlan), Popjela (46. Piatza), Bulank, Wittek, Nicolaides, Graf (77. Graf)
Srjedu přichwata něhdźe sto přihladowarjow do delanskeho Stadiona přećelstwa, zo bychu sej nachwatanski koparski derby mjez Sokołom Ralbicy/Hórki a Kulowom wobhladali. We woběmaj mustwomaj pobrachowachu stajni hrajerjo, tak zo dyrbještaj jej trenarjej přestajić.
Dobyće wjac hač zasłužene było
Sokoł Ralbicy/Hórki
– LSV Hory 1:0 (0:0)
Zestawa domjacych: Gloxyn – Kř. Matka, Zynda, B. Bjeńš, Materna, M. Matka (93. Kobalc), Janca (78. Bejma), Domaška, Kurjat, S. Bjeńš, Jakubaš (46. Młynk)
Kaž hižo přez cyłu sezonu dyrbjachu Sokoljo najwšelakorišich přičin dla mócnje rotěrować. W defensiwje wupomha Bosćij Bjeńš a postara so tam wo wulku stabilitu hromadźe z Heikom Zyndu. W ofensiwje dyrbješe hrajer starych knjezow Handrij Jakubaš jedyn połčas bule dźeržeć, štož so jemu wulkotnje zešlachći. Mjenowany Jakubaš měješe w 20. min. tež nawjedowanje na noze, po přihrawce Pětra Domaški. Nisku třělwu pak škrabny hóstny wrotar hišće z linije. Jenož pjeć mjeńšin pozdźišo poskići so tajka móžnosć Gabrielej Kurjatej, ale wón pak bul prawje njetrjechi. Swoju jeničku wulku móžnosć mějachu hosćo hižo do tuteju składnosćow za Sokoł, jako dźěše pospyt z 20 metrow na łatu. Hrajerscy sylni Horjenjo mějachu přez cyły prěni połčas bul časćišo w swójskich rjadach, ale defensiwa Sokoła steješe jara wěsće.
Chcedźa tež lětsa zaso w pěsku wo dypki wojować
Wjedro je zdźěla hižo lěćne, a to je stajnje znamjo wšitkim wolejbulistam, swójsku halu zawrěć a so won do pěska podać. 2015 přewjedźechu serbscy bičwolejbulisća prěni raz swójsku ligu a přihoty za mjeztym 4. bičwolejbulowu ligu běža hižo wot spočatka apryla. Kilian Hrjehor je Jurjej Bjeńšej, kiž změje tež lětsa zaso wotežki bičligi w rukomaj, někotre prašenja stajił.
Wjedro bě nimale cyły apryl wulkotne, w Róžeńće pak hišće nikoho widźał njejsym, kiž při wysokim saku wo dypki wojuje. Bičwolejbulowa liga so potajkim hišće zahajiła njeje?
J. Bjeńš: Ně, kaž loni a předloni chcemy tež tónraz zaso w meji prěnje hry přewjesć. Tučasnje čakam hišće na wotmołwu toho abo tamneho hrajerja, kiž bě hižo w minjenymaj lětomaj pódla. Myslu sej a nadźijam so, zo so te abo tamne mustwo hišće přizjewi.
Nochce lětsa telko dwójkow sobu hrać?
Skónčnje zaso wuspěšni byli
SJ Chrósćicy
– SC Borea Drježdźany 4:1 (2:0)
Zestawa domjacych: Králíček – Cyž, Sentivan, Hrdlitschka, L. Zahrodnik, M. Zahrodnik, Henčl, Runt (84. Mark), Němec, Młynk (71. Dehn), Bogusz
Zo maja koparjo Chróšćanskeje SJ přeco zaso zranjenych hrajerjow, njeje žana nowosć. Při treningu zrani so nětko hišće Gabriel Zahrodnik. Tak sedźachu w partiji přećiwo Boreji Drježdźany tež hrajerjo z druheho mustwa na ławce, kaž na přikład Klemens Mark.
Wot započatka domjacy na trawniku dominowachu a bul w swójskich rjadach dźeržachu. Tak poradźi so po nadběhu 1:0 přez Miroslava Sentivana. A krótko do połčasa trjechi Bosćij Cyž 2:0.
Konsekwentniše mustwo sej dobyće zawěsćiło
HZ Hórnikečanski jězor
– ST Marijina hwězda 2:1 (1:0)
Zestawa hosći: Schmidt – Czapik, Jurš, Bělk, Wróbl (83. Hübner), Čornak (63. Prasse), Winkler, Hawš, Pakoßnick, Eldor
Po jednym lěće přestawki witachu koparjo ST Marijineje hwězdy we Wulkich Ždźarach zaso raz Křesćana Bělka. Jich něhdyši kapitan steješe samo w startowej zestawje. Hnydom z prěnjej móžnosću pak domjacy nawjedowachu. Po róžku padny bul před noze Stevena Gahna, kiž njeda so dwójce prosyć a třěli jón do wrotow (6.). Slědowachu wjacore dobre a jara dobre móžnosće za Pančičanow. Matijas Wróbl (17.), Jakob Pakoßnick (25.), Ali Eldor (27.) a Oskar Hawš (36.) pak njemóžachu wurunać.
Po 65 hratych mjeńšinach ležeše bul skónčnje tež we wrotach Hórnikečanow. Paul Schmidt bě preciznje do šěsnatki flankował a Sebastian Prasse hrajny nastroj do wrotow stłóčił. W kónčnej fazy njemóžeše zadnje mustwo hosći situaciju porjadnje wujasnić a Tobias Wersch třěli 2:1 (84.). A wulku šansu Pakoßnicka wrotar Sven Dankhoff z wuběrnej paradu znješkódni (89.).
Widźał, słyšał, napisał (14.05.18)
Awtor dźensa
Michał Nuk
Hižo dołho je w Budyskej měšćanskej radźe rěč wo zdźerženju Króny. Při wšěch diskusijach wo předani abo wottorhanju zarjadowanišća su wšelake skupiny, kotrež maja wosebite zajimy na městnosći. Jedna z nich su čłonojo billardoweje sekcije „BiGa Budyšin“ sportoweho towarstwa MSV 04. Hrajerjo a hrajerki zetkawaja so štyri króć wob tydźeń w Billardowej garaži k zhromadnemu treningej a wotměwaja tu turněry kaž tež domjace hry we wobłuku krajneje ligi pool-billarda. Po wuprajenju nawody sekcije Steffena Hohlfelda by tuchwilu jara ćežko było podobnje wulku rumnosć namakać, hdźež móhli trening a wubědźowanja na aktualnym stawje zaručić.
Hišće w NDRskim času bě kehelowy billard w Sakskej a Braniborskej popularny – mjez Serbami so wosebje Beno Pětška z błótowskich Bórkowow za sport z kijom a kulemi horješe a je hišće dźensa za tamniše 5. mustwo aktiwny.
Sport (11.05.18)
Sokoł dwójce hraje
Stara koparska garda Sokoła Ralbicy/Hórki dyrbi přichodny tydźeń hnydom dwójce přećiwo Módro-běłym z Kulowa hrać. Póndźelu we 18.30 hodź. nachwataja delanscy stari knježa w Ralbicach dypkowu hru a pjatk jich znowa doma witaja. Potom pak budźe to połfinalna pokalna partija wo zaćah do kónčneje hry. Tež tu je zakop za 18.30 hodź. planowany.
Pokalna hra postajena
Zapadołužiski koparski zwjazk přewjedźe sobotu, 19. meje, połfinalnu koparsku hru mjez SC 1911 Großröhrsdorfom a Sokołom Ralbicy/Hórki. Poprawom bě ta za kónc apryla planowana, Sokoljo pak dyrbjachu hišće w štwórćfinalu nastupić. Duel w Großröhrsdorfje započnje so w 17 hodź., sudnik njeje hišće postajeny.
Kónctydźenska kopańca
12.05. 15:00 Motor Kumwałd –
Rakečanske ST
12.05. 15:00 SC Großröhrsdorf –
ST Radwor
13.05. 13:00 SJ Njebjelčicy II –
SV Liegau-Augustusbad
13.05. 15:00 SJ Njebjelčicy –
Nowe Město II
13.05. 15:00 SG Weixdorf –
SJ Chrósćicy
13.05. 15:00 Sokoł Ralbicy/Hórki –
LSV Hory
13.05. 15:00 Zeleno-běli Sepicy –
SJ Chrósćicy II
13.05. 14:00 ST Njeswačidło II –
Módro-běli Kulow II
Druhi lětuši běh dumperowcow
Radwor postupi z dwěmaj mustwomaj
W 1. wokrjesnej lize dyrbješe prěnje blidotenisowe mustwo DJK Konjecy k poslednjej dypkownej hrě pola ST Rakec nastupić. Z Michałom Elstnerom a Pětrom Bejmu stajnaj hrajerjej wupadnyštaj. Konječenjo mějachu mało nadźije na dypki. Tak partiju tež 5:10 přěhrachu. Mjerzaca pak poražka přiwšěm njebě. Hižo do hry bě jasne, zo stanu so z wicemištrom wokrjesa. Rjany to wuspěch serbskich blidotenistow. Dypki w poslednjej winowatostnej hrě dobychu Maćij Kokla, Dierk Šewc, Alojs Čóška a André Čórlich – kóždy jedyn. Rezerwowaj hrajerjej z třećeho mustwa Dominik Čórlich a Roland Šołta wostaštaj bjez dypka.
W 1. wokrjesnej klasy doby Konječanske druhe mustwo pola SV Gelenauwa V z 10:5. Jurij Brězan a Daniel Zukunft docpěštaj z optimalnymaj 2,5 dypkomaj wusahowacy wukon. Tež Dietmar Hrjehor z dwěmaj dobyćomaj połnje přeswědči. Křesćan Gruhn a Rainer Roßmy, kóždaj z jednym dypkom, měještaj tohorunja swój podźěl na jasnym triumfje. Jeničce pola Stefena Woka (0) wjele hromadu njeběžeše.
