Prěni raz tři dypki nažnjeli
SJ Chrósćicy II – ST Nadrózna Hrabowka 5:3 (2:1)
Zestawa domjacych: M. Cyž – Dehn, Mark, Wowčer, Budar, Bětnar, Domaška, Mohaupt (90. Matješk), Liznar, Jakubaš (82. Lešawa), Bogusz
Koparska rezerwa Chróšćanskeje SJ móžeše we wokrjesnej lize minjenu njedźelu hrajnišćo prěni raz w sezonje jako dobyćer wopušćić. Wot wšeho spočatka běše hosćićel lěpše mustwo a nadźěła sej tójšto šansow. Jan Bogusz trjechi hižo w 5. min. a pjeć mjeńšin pozdźišo hišće raz. W prěnim połčasu hrajachu jenož Chróšćenjo. Krótko do přestawki (42.) pak zadźerža Feliks Dehn přećiwnika w šěsnatce z njefairnym foulom, a sudnik rozsudźi na jědnatku, kotruž Aaron Haschke k 2:1 přetwori.
We 58. min. zwyši Bogusz na 3:1. Dźesać mjeńšin po tym hosćo skrótšichu. Domjacy pak mějachu prawu wotmołwu, a Měrćin Jakubaš postara so wo 4:2 (74.). Mustwo SJC pak njebě zaso jónu hač do kónca koncentrowane, tak zo padny we 88 min. 4:3. Nětko měješe Na- drózna Hrabowka tójšto dobrych móžnosćow. Samo jeje wrotar poda so do šěsnatki SJC. W poslednjej akciji hry hrabny sej Stefan Liznar bul a pósła Klemensa Marka, kiž trjechi 5:3 (90.+3), štož bě zdobom kónčny staw. Pascal Budar
Wuslědki (23.11.17)
Kopańca, Wokrjesna liga stafla I
Budyšink – TSV Połčnica 0:12 (0:5)
ST Huska – SC Großröhrsdorf II 1:5 (0:3)
SV Großharthau
– Traktor Malešecy 1:4 (0:2)
Concordia Załom – TSV Wachau 3:1 (2:1)
TSV Wjernarjecy – ST Porchow 2:6 (0:1)
1. TSV Połčnica 13 51 : 12 34
2. Concordia Załom 13 29 : 15 32
3. TSV Wachau 13 31 : 7 29
4. Traktor Malešecy 13 37 : 18 28
5. ST Porchow 13 26 : 13 25
6. FV Ottendorf-Okrilla 13 25 : 23 21
7. TSV Wjernarjecy 12 26 : 24 20
8. Arnsdorfske KT 13 23 : 21 20
9. ST Horni kraj-Sprjewja II 12 38 : 23 18
10. SC Großröhrsdorf II 13 23 : 15 17
11. SV Großharthau 13 15 : 19 15
12. SV Frankenthal 12 19 : 28 13
13. Germania Budyšin II 13 15 : 35 7
14. Bretnig-Hauswalde 13 16 : 38 5
15. SV Budissa Budyšink 13 5 : 64 4
16. ST Huska 12 15 : 39 3
Wokrjesna klasa stafla I
HZ Wjazońca/Wjernarjecy/Załom II
– ST Budyšin II 1:3 (1:2)
ST Horni kraj-Sprjewja III
– ST Zeleno-běli Bukecy II 1:2 (1:1)
ST Hodźij – HZ Minakał/
Wulka Dubrawa/Radwor 4:2 (2:0)
ST Bart – ST Mały Wjelkow 1:1 (0:0)
ST Wjelećin II
– ST Módro-běli Njeswačidło 3:0 (0:0)
1.ST Budyšin II 11 42 : 15 27
2. ST Mały Wosyk 11 32 : 17 25
3. ST Njeswačidło 11 28 : 17 20
4. ST Mały Wjelkow 11 25 : 29 20
5. ST Bart 10 25 : 15 19
6. ST Wjelećin II 10 19 : 18 18
7. ST Hodźij 10 21 : 23 13
8. ST Hnašecy-Dobruša II 8 15 : 16 10
9. ST Zeleno-běli Bukecy II 11 20 : 29 9
10. HZ Minakał/
Wulka Dubrawa/Radwor 8 13 : 26 7
11. HZ Wjazońca/
Wjernarjecy/Załom II 10 15 : 32 7
12. Horni kraj-Sprjewja III 9 8 : 26 0
Wokrjesna klasa stafla II
ST Bart II – ST Porchow II 4:2 (2:2)
TSV Wjazońca
HZ Kubšicy/ Bukecy
– SG Frankenthal II 6:2 (2:1)
Zasłuženy remis pola načolnika
LSV Nowe Město – SJ Chrósćicy 2:2 (1:2)
Zestawa hosći: Králíček – Pöpel, Sentivan, Hrdlitschka, Teichmann, M. Zahrodnik, Henčl, Runt (88. Cyž), Młynk (57. Žur), Věchet, Němec (68. F. Zahrodnik)
W Nowym Měsće nad Sprjewju čakaše na koparjow Chróšćanskeje SJ ćežka hra, wšako nastupichu přećiwo načolnikej tabulki. W partijach do toho móžachu woni sydom dypkow nazběrać, a tak chcychu tež přećiwo faworitej bjez poražki wostać.
Dypk w ćežkej domjacej partijisej zaručili
FSV Budissa Budyšin – FSV Wacker Nordhausen 0:0
Zestawa domjacych: Ebersbach – Kunze, Patka, Hoßmang, Mack, Kloß (62. Gehrmann/88. Wockatz), Pfanne, Krawčik, Milde, Müller, Bönisch (92. Rosendo)
W dotalnych domjacych hrach koparjow Budissy Budyšin přećiwo Wacker Nordhausenej běchu hosćo Młynkec łuku stajnje jako dobyćer wopušćili. To pak chcychu chowancy trenarja Torstena Gütschowa změnić. Durinčenjo přewzachu hnydom komando. Prěnjej móžnosći přez Jeroma Prophetera a Tobiasa Beckera (5./11.) pak njeběštej wuspěšnej. Hosćićel měješe přiwšěm chětro wjele dźěła, zo by swoje wrota derje škitał. Wólny kop Lucasa Scholla je wrotar Maik Ebersbach dźeržał (21.). Po něhdźe poł hodźinje hrajneho časa wzachu hosćo nohu wot płunoweho pedala, a Budyšenjo so lěpje do hry namakachu. Wólny kop Jonasa Macka ze zdalenosće 25 metrow dźěše snadnje nimo wrotow (32.). Po wulkim boju běchu domjacy z 0:0 k połčasej prěni mjezycil docpěli.
Pozitiwna serija dale dźe
ST Marijina hwězda – SV Haselbachtal 3:1 (1:1)
Zestawa domjacych: Schmidt (90.+3 Matik) – Wróbl, Škoda, Jurš, R. Hawš, Peschmann (82. Winkler), Kuring, O. Hawš, Rab, Eldor, Pakoßnick (88. Prasse)
Snadnje, ale zasłužbnje třinaty raz wuspěšni
FC Energija Choćebuz – Viktoria Berlin 1:0 (1:0)
Zestawa domjacych: Spahić – Starcew, Stein, Matuwila, Schlüter, Kruse, Weidlich, Viteritti, Zimmer (78. Gehrmann), Freitas (90.+2 Zickert), Boakye (80. Baude)
Na pjatnatym hrajnym dnju je FC Energija Choćebuz dale pilnje dypki za staflowe dobyće w regionalnej koparskej lize-sewjerowuchod zběrała. Wuslědk drje pokazuje na wurunanu hru, štož pak zamyla. Přez cyły čas hosćićeljo partiju postaja- chu a přećiwnika z wobhladanjahódnymi kombinacijemi wuhrawachu. Najrjeńša scena wjedźeše w 35. min. k jeničkim wrotam hry. Jose Matuwila tworješe zazběh, Fabio Viteritti dósta bul na lěwym křidle a posłuži Maximiliana Zimmera. Jeho precizny pas Gabriel Boakye w centrumje šěsnatki k 1:0 do wrotow smokny.
Wuslědki (21.11.17)
Kopańca – krajna klasa
LSV Nowe Město – SJ Chrósćicy 2:2 (1:2)
Mužakow – Drježdźanski SC 4:0 (2:0)
ST Ćisk – FSV Nowosólc-Hródk 1:2 (1:1)
Laubegast – Borea Drježdźany 2:0 (0:0)
SG Weixdorf – FC Neugersdorf II 3:2 (0:0)
1. FSV Nowosólc-Hródk 12 33 : 18 23
2. LSV Nowe Město 12 37 : 26 23
3. FSV Oderwitz 02 11 28 : 18 22
4. Čerwjeno-běli Mužakow 12 34 : 21 20
5. Laubegast 12 28 : 25 20
6. ST Horni kraj-Sprjewja 11 26 : 18 17
7. SG Weixdorf 12 22 : 22 17
8. FC Neugersdorf II 12 26 : 18 16
9. SJ Chrósćicy 12 18 : 28 15
10. SZ Drježdźany-Strěžin 11 27 : 14 14
11. ST Ćisk 12 16 : 26 14
12. ST Trjebin 11 13 : 32 12
13. SC Borea Drježdźany 11 19 : 41 8
14. Drježdźanski SC 11 22 : 42 7
wokrjesna wyša liga
Kulow – Zeleno-běli Bukecy 4:0 (0:0)
Kumwałd – Großröhrsdorf 1:2 (1:1)
Rakecy – Kinspork/Łužnica 2:1 (1:1)
Germ.Budyšin – Ralbicy/Hórki 3:0 (2:0)
Wojerecy – Hnašecy-Dobruša 3:2 (1:1)
LSV Hory – Drohotka Ramnow 5:3 (3:2)
Radwor – ST Budyšin 4:1 (1:1)
Wjelećin – Großnaundorf 1:2 (0:1)
1. SC Großröhrsdorf 13 27 : 4 33
2. Módro-běli Kulow 13 37 : 12 27
3. Wojerowski FC 13 28 : 19 26
4. SG Großnaundorf 12 29 : 17 22
5. LSV Hory 13 33 : 26 22
6. Rakečanske ST 13 27 : 21 21
7. Motor Kumwałd 13 16 : 21 19
8. Sokoł Ralbicy/Hórki 13 16 : 17 18
Napjaty blidotenisowy kónc tydźenja
Napjaty blidotenisowy duel 1. wokrjesneje ligi wotmě so w Njeswačanskej sportowni mjez ST Njeswačidłom a DJK Konjecami. Delenjo běchu z měšanymi začućemi k tabulkowemu susodej přijěli, dokelž móžachu so w zašłych štyrjoch hrach jenož jónu přećiwo njemu přesadźić. Start bě za nich přiwšěm optimalny. Dwójce Maćij Kokla/Alojs Čóška a André Čórlich/Michał Elstner swojej duelej dobyštej. Duwo Dierk Šewc/Pětr Bejma snadnje přěhra, tak zo mustwo z Delan přez dwójki 2:1 nawjedowaše. K startej do hrow jednotliwcow w hornim křižu Kokla a Šewc swojej partiji přěhraštaj. Tak steješe 3:2 za hosćićela. W srjedźnej křižnej hrě Čóška doby a Čórlich dyrbješe dypk wotedać. W delnim křižu přesadźištaj so Elstner a Bejma. Tuž hosćo znowa z 5:4 po prěnim kole jednotliwcow nawjedowachu. W druhim kole dypkowachu Šewc, Čórlich, Elstner a Bejma za serbske barby. Wjeselo Konječanow nad snadnym dobyćom 9:6 bě wulke.
K třom dypkam njedosahało
ST Wulka Dubrawa – SJ Njebjelčicy 1:1 (0:0)
Zestawa hosći: D. Ričel – Hoelzel, Hanuza, Deleńk, Hrjehor, Kral, Pawlik, Lejnart, Haška, Schulze (85. Čornak), Korjeńk (71. F. Ričel)
Z dobrym bojowniskim nastajenjom podachu so koparjo Njebjelčanskeje SJ na nic runjewon lochku partiju do Wulkeje Dubrawy. Po přesłapjacej poražce tydźeń do toho bě stopnjowanje cyłka trenarja Handrija Krawčika jasnje pytnyć. Hižo w 5. min. je Handrij Korjeńk po spěšnym nadběhu wrota jeno snadnje misnył. Přez cyły čas bě škit Njebjelčanow wěsty w swojich akcijach a dowoli domjacym tak lědma šansy. Jeničce w 31. min. předrě so na lěwej stronje spěšny nadběhowar. Wrotar Daniel Ričel a škitar Christof Pawlik pak k róžkej wotwobaraštaj. Na to zjewi so Korjeńk znowa strašnje před wrotami hosćićela, ale tež tu bu třělwa wotwobarana (35.). Bjezmała by Robert Lejnart krótko do přestawki nawjedowanje docpěł, ale jeho rjany wólny kop prasny do łaty.
Najšpatniša hra sezony
Póst Germania Budyšin – Sokoł Ralbicy/Hórki 3:0 (2:0)
Zestawa hosći: Gloxyn – Zynda, Korjeńk (74. Serbin), J. Bjeńš, Šewc, Čórlich (88. Kobalc), Janca (68. Jakubaš), M. Matka, K. Matka, Kurjat, Domaška
