FC Carl Zeiss Jena – FC Energija Choćebuz 1:2 (0:2)
Zestawa hosći: Stahl – Pelivan, Rahn, Koch, Jaroš,Eisenhuth (90. Kujović), Hofmann, Erlbeck, Hoppe, Brügmann (86. Storb), Gladrow (74. Frick)
Po njemóžnym wukonje přećiwo Berlinskemu AK, po poražce 0:3, bě přiwisk Energije do zakopa hry w Jenje chětro skeptiski. Wšako běchu hosćićeljo do toho šěsć razow za sobu dobyli. Ale Łužičenjo pokazachu w „paradizu“ wulkotny prěni połčas. Z permanentnym pressingom woni hosćićelow chětro překwapichu. Tež z krasnymi kombinacijemi sej zas a zaso dobre šansy wuhrawachu. Jana Kochowa (22.) a Rica Gladrowa (38.) dźěštej samo do wrotow přećiwnika. Jako dyrbješe w 44. min. přidatnje hišće Theodor Bergmann, Jenaski hrajer, z čerwjenej kartu kopanišćo wopušćić, wupadaše wšitko za jasnym wuspěchom čerwjeno-běłych.