Sport (20.05.22)

pjatk, 20. meje 2022 spisane wot:

Pokalna a dypkowe koparske hry

Prěnje koparske mustwo Sokoła Ralbicy/Hórki hraje njedźelu w Kulowje w štwórćfinalu wo wokrjesny pokal přećiwo rezerwje hrajneho zjednoćenstwa Wóslink/Skaskow/Kulow. Sudnik hry budźe Maik Ruprecht. Wšitke dalše koparske duele su dypkowe hry.

21.05.  13:00  Wojerowski FC II –

  SJ Chrósćicy II

21.05.  13:00  Budissa Budyšin –

  Biskopičanske KT 08

21.05.  13:00  HZ Wulka Dubrawa II /     Radwor II – ST Wjelećin II

21.05.  15:00  SG Motor Wilsdruff –

  Jednota Kamjenc

21.05.  15:00  ST Sachsenwerk Drjež-

  dźany – Rakečanske ST

21.05.  15:00  Traktor Malešecy –

  SJ Njebjelčicy

22.05.  10:30  HZ Hory II/Bluń –

  SJ Njebjelčicy II

22.05.  11:30  Sokoł Ralbicy/Hórki II –

  ST Módro-běli Njeswačidło

22.05.  15:00  ST Hlinowc – ST Radwor

22.05.  15:00  HZ Wóslink/Skaskow/    Kulow II – Sokoł Ralbicy/   Hórki (pokal)

22.05.  15:00  SJ Chrósćicy – VfB Žitawa

Běh po Krakečanskich hórkach

Stajnje srjedu nawječor do Božeho spěća wotměwa so po tradiciji wurisanje po Krakečanskich hórkach. A tak budźe tomu nadźijomnje tež srjedu, 25. meje, mjeztym hižo 34. króć. Wubědźowanje organizuje zaso sportowe zjednoćenstwo Módro-běli Krakecy. Přizjewjenja su pod móžne.

Finale lětsa w Drjowku

Spurt Energije na třeće městno

štwórtk, 19. meje 2022 spisane wot:

Wjacore tydźenje su na sportowych stronach Serbskich Nowin jenož wuslědki FC Energije Choćebuz stali, nětko wozjewja so tež krótke rozprawy k poslednim hram sezony 2021/2022. W kónčnym spurće poradźi so chowancam trenarja Claus-Dietera ­Wollitza w regionalnej lize sewjerowu­chod hišće skok ­na třeće­ městno.

Rozsud hakle pozdźe padnył

ZFC Meuselwitz –

Energija Choćebuz 1:4 (0:0)

Zestawa Choćebuz: Stahl – Hasse, Eisenhuth, Hildebrandt, Borgmann (87. Wagner), Geisler (79. Badu), Hofmann (79. Erlbeck), Putze (79. Kujović), Mäder, Engelhardt, Zografakis

Sokoljo w Choćebuzu pobyli

štwórtk, 19. meje 2022 spisane wot:
Minjenu njedźelu dojědźechu sej juniorowi koparjo Sokoła Ralbicy/Hórki ze swojimi trenarjemi a někotrymi staršimi do Choćebuza, zo bychu sej tam poslednju hru sezony 2021/2022 regionalneje ligi mjez FC Energiju a Chemiju Lipskom wobhladali. Domjacy dobychu duel jasnje ze 4:1, štož tež něhdźe 40 dźěći Sokoła a 20 dorosćeni mócnje honorowachu. Při najkrasnišim wjedrje mějachu młodźi Sokoljo po hrě móžnosć, někotrych hrajerjow při kromje hrajnišća zetkać a popadnychu tam mjez druhim originalny trikot hrajerja Arnela Kujovića, kiž docpě mjezystawne 1:1. Za Ralbičanski dorost bě to wulkotne dožiwjenje, dokelž postaraštej so wobě fanowej ­scenje přez cyłu hru wo jara dobru atmosferu. Foto: Jurij Bjeńš

Wjacore tydźenje su na sportowych stronach Serbskich Nowin jenož wuslědki FC Energije Choćebuz stali, nětko wozjewja krótke rozprawy wo poslednich hrach ­sezony 2021/2022. W kónčnym spurće poradźi so chowancam ­trenarja Claus-Dietera Wollitza w regionalnej lize sewjerowuchod skok na třeće městno.

„Čehodla so hrajerja njeprašeš?“

FC Energija Choćebuz –

Tennis Borussia Berlin 2:2 (0:0)

Zestawa Choćebuz: Stahl – Eisenhuth, Böhmert, Hildebrandt, Hasse, Kujović (46. Mäder), Erlbeck, Juckel (77. Putze), Geisler (77. Hofmann), Proničew (88. Harz), Zografakis (88. Kremer)

Dobru moralku pokazali

wutora, 17. meje 2022 spisane wot:

SJ Chrósćicy II – ST Traktor Malešecy 3:2 (0:2)

Zestawa domjacych: Škoda – Sćapan, Donat, K. Mark, F. Mark, M. Zahrodnik, Dehn, Šołta (46. Krawc), L. Zahrodnik, Domaška, Liznar (87. Čornak)

Zašłu njedźelu witaše Chróšćanske druhe mustwo Sportowe towarstwo z Malešec. Te wojuje w lize wo druhe městno, tola bě wšelakich wupadow dla wosłabnjene. Hosćićeljo pak běchu po dobytym derbyju tydźenja přećiwo Njebjelčanam motiwowani a chcychu tež ­tule hru dobyć.

Wažne dypki ležo wostali

wutora, 17. meje 2022 spisane wot:

ST 1922 Radwor – FSV Łuty 1:1 (0:0)

Za Radwor zasadźeni: Grenzemann – Reineke, Jendrewski (87. Grubert), Kral, Paška, Glücklich, Wjacławk (75. Šnajder), Pječak, Nuk (79. Šěrak), Wjeńka, Schulze

Na njezwučenej soboće witaše Sportowe towarstwo 1922 Radwor hosći z Łutow na hrajny dźeń. Njedźelu mjetachu w Radworju mjenujcy meju. Při słónčnym wjedrje je sej něhdźe 60 přihladowarjow na napjatu hru dóšło. Prěnje mjeńšiny Radworčenjo zaspachu, byrnjež hewak přez bojowniske zasadźenje spěšnje do duela přińdu. Přiwšěm pak běchu hosćićeljo w prěnim połčasu dominantne mustwo na hrajnišću. Z do­brymi kombinacijemi móžachu sej wuhladne móžnosće wuhrać, za wrota pak hišće njedosahaše. Prěni połčas skónči so tuž 0:0.

Znowa sej dypk wubědźili

wutora, 17. meje 2022 spisane wot:

SJ Chrósćicy –

ST Wesenitztal 1:1 (0:0)

Zestawa domjacych: Králíček – F. Zahrodnik (86. Mark), F. Cyž, Sentivan, L. Zahrodnik, Młynk, Hawš, M. Zahrodnik (55. Matješka), G. Zahrodnik, Krawc (74. Handrik), Bogusz

Při rjanym słónčnym wjedrje nastupichu Chróšćenjo w dypkowej hrě přećiwo hosćom z Wesenitztala. Tamniše mustwo słuša k načolnym cyłkam krajneje klasy stafla wuchod. Kaž hižo w zašłych hrach pósła trenar Pavel Runt samsnych spočatnych hrajerjow na hrajnišćo. Wot swojich chowancow wočakowaše, zo znajmjeńša dypk doma wostanje.

Serbja nastupja nětko w skupinje D

wutora, 17. meje 2022 spisane wot:
Serbska wubranka muži nastupi na lětušim 4. koparskim turněrje europskich narodnych mjeńšin Europeada wot 25. junija do 3. julija pod hesłom „Together unique“ (Zhromadnje jónkrótni) pola Korutanskich Słowjencow w Awstriskej na 2. poziciji skupiny D. Fortuna wčerawšeho znowawulosowanja, wiceprezidentka FUEN Angelika Minar (nalěwo), je mustwo wulosowała. Tuž maja serbscy koparjo přećiwo Romam z Madźarskeje, Cymbram z Italskeje a Pomakam z Bołharskeje nastupić. ­Při wulosowanju dyrbjachu wjacore wubranki wo skupinu přestorčić, zo njebyštej w jednej stafli dwě narodnej mjeńšinje z jednoho kraja byłoj, mjez druhim Cymbrojo z Italskeje. Kaž zdźěli zarjadowar turněra Federalistiska unija europskich narodnych mjeńšin FUEN, njejsu žónske skupiny znowa wulosować trjebali, dokelž su ­jenož štyri ­mustwa přizjewjene. Janek Wowčer

Ze zbožom mału sensaciju docpěli

póndźela, 16. meje 2022 spisane wot:

ST Horni kraj Sprjewja – ST Marijina hwězda 3:3 (3:2)

Zestawa hosći: Matik – R. Cyž, R. Hawš, Kreuz (72. Lipič), Wróbl, Zelnak, P. Schmidt, D. Jurš (77. F. Langer), Pjetaš, Eldor (56. P. Lugge), J. Pakoßnick

Prěnje koparske mustwo Sportoweje jednotki Njebjelčicy je wčera sylny wukon pokazało a přećiwo hosćom z Wulkeje Dubrawy 2:2 (2:1) hrało. Po zastatku 0:1 (25.) móžachu Njebjelčenjo hru z dwójnym dyrom Floriana Domša (38.) a Handrija Korjeńka (40.) hišće do połčasa zwjertnyć. 2:2 poradźi so hosćom w druhim połčasu (66.). Wulkodubrawčenjo běchu jasny faworit, dokelž steja w načolnej skupinje wokrjesneje ligi stafla 2. Hrajer domjacych Leopold Hoelzel (ležo, Njebjelčicy) wotwobara na wobrazu ­na prěni wid hnydom dwaj bulej. Foto: Konstantin Hrjehor

nawěšk

nowostki LND