Z moraliskeje winowatosće poručenje

štwórtk, 08. septembera 2022
artikl hódnoćić
(0 )

Bywši serbscy nowinarjo za dalše njemylene wuchadźenje Serbskich Nowin

Budyšin (SN/at). Před nimale třomi tydźenjemi bě w Serbskich Nowinach prěni raz wo wohrožowacym personalnym połoženju w jich redakciji čitać. Direktny wothłós bě snadnuški. Nětko pak su ­­­so bywši šefredaktorojo a redaktorjo w zjaw­­nym lisće słowa jimali. „Hrozy strach, zo – doniž so hnydomne a daloko sahace rozrisanje njenamaka – je wosud wažneho hłosa serbskeje spisowneje rěče dale jara njewěsty“, tam rěka.

Podpisarjo pokazuja na krizy serbskeho nowinarstwa w minjenym lětstotku, tak 1937 ze zakazom Serbskich Nowin přez nacistiski režim a 1990 po towaršnostnym přewróće. „Mocy zwonka serbskeho žiwjenja su so tak abo znak do serbskich naležnosćow tykali. Nětko pak je so w Serbach samych wažny organ serbskeje rěče wohrozył“, rěka jich strózbe dopóznaće. Byrnjež přičiny aktualneje mizery wšelakore byli, „njesměło pak ničo k tomu dowjezć, zo jednoho dnja, a to móže bórze być, wšědne wudaće Serbskich Nowin zańdźe“.

wozjewjene w: Medije
Prošu přizjewće so, chceće-li komentar podać

Serbska debata

nowostki LND