Ettersburg/Schwerin (dpa/SN). Ministerscy prezidenća wuchodoněmskich zwjazkowych krajow su zwjazkoweho kanclera Friedricha Merza (CDU) na njespokojnosć w swojich krajach skedźbnili. „Smy zwjazkowemu kanclerej wujasnili, zo je hněw na wuchodźe jara wulki a zo dyrbi so nalada polěpšić“, rozłoži ministerska prezidentka Mecklenburgsko-Předpomorskeje Manuela Schwesig (SPD) po prěnim zetkanju wuchodnych ministerskich prezidentow na hrodźe Ettersburg w Durinskej.
„Dźe wo kedźbnosć, dźe wo respekt a dźe wo to, zo trjeba wuchod w swojim hospodarskim wuwiću podpěru“, Schwesig w tym zwisku zwěsća.
W Mecklenburgsko-Předpomorskej wola klětu nowy krajny sejm. Po wčera wozjewjenych wuslědkach woprašowanja steji AfD z 38 procentami na prěnim městnje. SPD ministerskeje prezidentki Schwesig docpě 19 procentow, CDU runje hišće 13 procentow.
