Dr. Hartmut Leipner kandiduje za zastojnstwo wiceprezidenta FUEN
Budyšin/Bozen (SN/BŠe). Federalistiska unija europskich narodnych mjeńšin (FUEN) změje swoju konferencu wot 23. do 26. oktobra w Bozenje w Južnym Tirolu. Tež delegacija Domowiny so tam wobdźěli, mjez druhim z předsydu dźěłoweje skupiny Słowjanske mjeńšiny FUEN (AGSM) dr. Hartmutom Leipnerom. „Minjeny tydźeń je so dźěłowa skupina online zetkała a so na ćežišćo wuradźowanjow na kongresu dojednała. Předewšěm chcedźa wo wojowanju přećiwo prawicarskemu ekstremizmej wuradźować“, dr. Hartmut Leipner rozjasni.
