Zwjazkowy prezident Joachim Gauck (naprawo) a jeho partnerka Daniela ...
Afghanjanow wróćo pósłać?
Dočasnje wozjewjeny dokument EU zbudźa rozhorjenje
Brüssel (dpa/K/SN). Mjezynarodna konferenca dawarjow Afghanistanej je dźensa w rozsudnej fazy. Zastupnicy 70 krajow pjelnja při tym paket podpěry za kraj pod Hindukushom. Po wšelkich žórłach ma wón podobny niwow měć kaž dotalny paket, po kotrymž je Afghanistan w štyrjoch lětach něhdźe 16 miliardow dolarow dóstał.
Njemału zadźiwanosć zbudźi dokument, kotryž bě so wčera wječor njenadźicy online jewił. Z njeho wuchadźa, zo změja so staty Europskeje unije přichodnje wo wjele jednorišo, próstwarjow wo azyl z Afghanistana do domizny wróćo pósłać. Tak Kabulske knježerstwo mjez druhim připraja, pućowanske dokumenty spěšnišo wustajeć. Zdobom chce pruwować natwar specialneho terminala za přijimanske lěty wupokazanych.
Mjeztym je jasne, zo bu dokument hižo minjeny kónc tydźenja podpisany, EU pak njeje jeho wozjewjenje hišće dowoliła. Z tym zo je jón tež Kabulske knježerstwo signowało, spjelnja Afghanistan po sudźenju diplomatow trěbne wuměnjenja za pomocny paket EU.
Na wopyće wojakow
Ciwilisća morjeni
To a tamne (05.10.16)
102 lěće staru žonu zajeli su policisća w staće USA Missouri, štož bě sej wona wuraznje přała. Ze zajećom su jej zastojnicy w St. Luisu wjelelětny són spjelnili, kaž na Facebooku pisaja. Woni dowjezechu Edie Simms ze sputanymaj rukomaj w policajskim awće do hladarnje, kotrejž staruška prawidłownje pjenjezy daruje. Akcija so 102lětnej widźomnje spodobaše, kaž wona sćelakej Fox rozprawješe, „předewšěm te ručne puta“.
Přihotowanje rězkow k praženju je w Alsdorfje pola Aachena zasadźenje policije zawiniło. Wobydlerka wjaceswójbneho domu bě w připołdnišich hodźinach policiju wołała a so twarskich dźěłow pola susoda dla hóršiła. Zastojnicy wěcku spěšnje wujasnichu. Swójba bě šnicle klepała. „Rězki so w pónoji praža. Žana naprawa. Nětko knježi měr“, w policajskej rozprawje rěka.
Bohate kraje zaprajeja
London (dpa/K/SN). Bohate kraje swoju zamołwitosć při zmištrowanju globalneje migraciskeje krizy sebičnje zanjechuja, sudźi Amnesty International. Porno tomu je dźesać chudych krajow, kotrychž nutřkokrajny bruttoprodukt jeničce 2,5 procentow swěta wučinja, 56 proc. z cyłkownje 21 milionow ćěkancow přiwzało. Z 2,7 milionami migrantow steji na čole Jordaniska, sćěhowana wot Turkowskeje, Pakistana a Libanona. Poprawom móhło wjac ćěkancow nowe doma nadeńć.
Boje w Kundusu
Kabul (dpa/K/SN). W sewjeroafghaniskim měsće Kundus traja boje z radikalnoislamistiskimi talibanami druhi dźeń. „Tuchwilu wojuja w prěnim a třećim distrikće města“, rjekny sobustaw prowincneje rady Sargul Alimi. Zwjazkowa wobora ma w Kundusu wojerske lěhwo, hdźež skutkuje mjeńša skupina poradźowarjow. Jich rozkazowar rjekny wčera reporterce ARD, zo talibanojo často z formacijemi dweju do třoch bojownikow zasahuja, zo bychu tak zatrašeli.
Tysacy ćěkancow wuchowali
Jan Budar, nowy direktor Załožby za serbski lud (srjedźa), je ...
Ruska: USA njejsudosć činili
Orbán ma cil wotuma za docpěty
Wróćopłaćenje dawkow město chětro poćežuje
Běła Woda (AK/SN). Město Běła Woda dyrbi z dalšimi masiwnymi poćežowanjemi swojeho etata ličić. Tak ma energijowemu koncernej Vattenfall z dawkowych dochodow lěta 2010 šěsćcyfrowu sumu wróćić. Nimo toho dyrbi nimale šěsćcyfrowu sumu jeničce z danjow wróćić. „Tole naše financne połoženje chětro pohubjeńša“, rjekny wyši měšćanosta Torsten Pötzsch (Klartext) na minjenym posedźenju měšćanskeje rady. Što budźe z lětom 2012 a dalšimi lětami, tuchwilu ani hišće njewědźa. Dotal je jenož jasne, zo ma Běła Woda Vattenfallej něhdźe dźesać milionow eurow wróćo płaćić. Najwjetši dźěl je wona po słowach wyšeho měšćanosty hižo přepokazała. Připokazanki swobodneho stata njemóža tute wudawki narunać. Te so mjenujcy na aktualnej ličbje wobydlerjow orientuja, kotraž spochi woteběra. Dokelž bě ličba wobydlerjow tehdy hišće wo wjele wjetša, móža aktualne připokazanki runje 60 do 70 procentow narunać, Pötzsch rozjasni.
