FSV Zwickau, zastupjer třećeje zwjazkoweje koparskeje ligi, je sobotu pola načolnika krajneje ligi Jednoty Kamjenc 4:1 dobył a do połfinala wo sakski pokal zaćahnył. Mustwo trenarja Franka Ričla pokaza přećiwo profijam ze Šwikawy před 700 přihladowarjemi porjadny wukon. Wrota za Jednotu bě Franz Häfner třělił. Na wobrazu widźimy mjez druhim Patrika Woka ze Šunowa (naprawo), kiž tež w Serbskej koparskej wubrance za bulom honi. Foto: Sylvia Krüger

Awtor dźensa Ludwig Zahrodnik

W zašłych lětach su přeco zaso nowe sportowe družiny nastali. Někotre wostanu lokalnje abo regionalnje wobmjezowane. Dalše so po cyłym swěće přesadźa, a někotrym so samo poradźi, zo je do programa olympiskich hrow přiwozmu. Přiwšěm wostanje kopańca čisło jedyn mjez sportowymi dru­žinami.

Mnozy młodźi pacholjo sonja wo tym, so stać z profijowym koparjom. Za wjetšinu wostanje to són. Ći pak, kotrymž so poradźi profijowu karjeru startować, husto na spočatku na to njemysla, zo je to ćělnje wulke wužadanje. Tuž so přeco zaso­ stawa, zo někotři wuběrni hrajerjo z wjerška sławy do bjezdna a zadwělowanja padnu.

Chcu tu jenož na někotre tragiske pady ze zašłosće dopominać: Werner Kohlmeyer, 1924 w Kaiserslauternje rodźeny, je jako lěwy škitar za mustwo 1. FC Kaisers­lautern hač do 1957 262 razow hrał. 22 króć bě w němskim narodnym mustwje zasadźeny. 1954 sta so swětowy mišter. Bórze po swojej karjerje padny do bjezdna a poda so alkoholej. Bjezdomny, wochudnjeny, wopušćeny je 1974 jako połstalětny wudychał.

Sokoł Ralbicy/Hórki – Póst Germania Budyšin 3:1 (0:0)

Zestawa domjacych: Schöne – Matka, J. Bjeńš, Šewc, Budar, Šołta, Rawš, Korjeńk, G. Kurjat, M. Kurjat (70. Bejmak), Domaška

Hry přećiwo Budyšanam su stajnje jara horce, wšako hajitej wobě mustwje poměrnje robustnu kopańcu dwubojow. W prěnich mjeńšinach pak wone přewulku rólu njehrajachu. Wobaj teamaj spytaštej přez dołhe třělwy swojich ofensiwnych sobuhrajerjow docpěć, škitarjo stajnje lěpje stejachu. W 20. min. hosćo prěni raz prawje kombinowachu a hižo prasny bul prěni raz na žerdź – wulke zbožo za Sokołow. Jenož pjeć mjeńšin pozdźišo třepotaše tež aluminij na tamnym boku. Tomaša Rawšowa třělwa ze 16 metrow pak puć do wrotow njenamaka. Po dalšich pjeć mjeńšinach bu wrotar Sokoła Willi Schöne pruwowany, jako pospyt Budyšana z distancy hišće runje tak znješkódni. Krótko do połčasa wuhra Domaška­ w šěsnatce štyrjoch přećiwniskich koparjow, dalšeho pak njepřewiny.

Kopańca, wokrjesna wyša liga

Wojerecy – SG Großnaundorf 3:1 (0:1)

TSV Połčnica – Motor Kumwałd 1:3 (0:0)

Bukecy – Hnašecy-Dobruša 1:0 (1:0)

LSV Hory – Módro-běli Kulow wupad

Sokoł Ralbicy/Hórki – Budyšin 3:1 (0:0)

Radwor – Kinspork/Łužnica 1:1 (1:0)

Němske Pazlicy – Porchow 1:1 (0:0)

Ramnow – Rakečanske ST 1:0 (1:0)

1. Rakečanske ST 12 37 : 4 33

2. Módro-běli Kulow 11 24 : 11 24

3. Sokoł Ralbicy/Hórki 11 24 : 16 23

4. LSV Hory 12 26 : 19 21

5. Drohotka Ramnow 12 25 : 19 21

6. Póst Germania Budyšin 12 31 : 24 20

7. Natwar Němske Pazlicy 12 18 : 13 19

8. Motor Kumwałd 12 23 : 27 19

9. Wojerowski FC 12 29 : 20 18

10. ST Kinspork/Łužnica 12 19 : 20 16

11. TSV Połčnica 13 22 : 31 16

12. SG Großnaundorf 12 24 : 28 12

13. ST Hnašecy-Dobruša 11 20 : 24 11

14. Zeleno-běli Bukecy 12 16 : 41 10

15. ST Porchow 12 13 : 34 5

16. ST Radwor 12 12 : 32 2

sakski krajny pokal

Jednota Kamjenc – FSV Zwickau 1:4 (1:2)

Kamjeničanski FC – Biskopicy II 2:1 (1:1)

Laubegast – Budissa Budyšin 2:4 (1:1)

Fortuna Trjebin – Chemija Lipsk 3:6 (2:2)

po podlěšenju