(Nje)znaty trabant zemje

Wojerecy. Astronomiske towarstwo Wojerecy prezentuje dźensa, pjatk, přednošk „Zajimawostki kołowokoło našeho měsačka“. W planetariju města chce Uwe Igersheim prašenja, kaž na přikład „Čehodla widźimy stajnje samsny bok měsačka?“ abo „Štó chowa so za ‚mužom w měsačku‘?“ rozjimać. Při tym lubi „někotružkuli překwapjenku“. Zarjadowanje započnje so w 19 hodź., zastup płaći 3,50 resp. potuńšeny 1,50 eurow.

Archeologiska ekskursija

Wotrow. We wobłuku Dnjow archeologije 2025 přeproša Kamjenski Muzej zapadneje Łužicy jutře, sobotu, na ekskursiju po Wotrowskim hrodźišću. Fachowča Julia Baumbach chce zajimcam najnowše wědomostne dopóznaća nastupajo něhdźe 3 000 lět staru wobornu připrawu a jeje historiski wuznam za region rozłožić. Ekskursija započnje so w 14 hodź., městnosć zdźěla při přizjewjenju, kiž je krótkodobnje pod telefoniskim čisłom 03578 788 310 móžne. Popłatk na wosobu wučinja 6,50 resp. potuńšeny 3,50 eurow, tiket płaći za swójby 16,50 eurow.

Swjeća 800 lět Bambrucha