Zahroda wuměłstwow w Dešnje

Dešno. Domizniski muzej w Dešnje je jutře, sobotu a zajutřišim, njedźelu, z hosćićelom swjedźenja Kunstgartenfestival. Wopytowarjo móža „něhdźe 40 wuměłcam pod hołym njebjom při dźěle přez ramjo hladać, jich twórby kupić a sej cunje zynki gitary lubić dać“. Zastup je darmotny.

Jazz a zabawa na zahrodźe

Hornja Hórka. Towarstwo Wjesny klub gmejny Hornja Hórka a jako Gartengretel znata Annegret Petasch wuhotujetej zajutřišim, njedźelu, lětni swjedźeń „Zahroda a hudźba“. Wot 10 do 16 hodź. kiwaja dźěćom na zahrodźe hosćićelki zabawa a hry. Wo hudźbu postara so skupina Micha Winklers Hotjazz Band. Napoje a přikuski su na městnje na předań, stólčk měli sej hosćo sami sobu přinjesć. Zajimcy njech přizjewja so krótkodobnje telefonisce pod čo. 0172 9008198. Zastup je darmotny, pjenježne dary pak so njewotpokazuja.

Prezentuja měznik digitalizacije