Wojerowski FC - Sokoł Ralbicy/Hórki 3:2 (1:0)
Zestawa hosći: Schöne – M. Matka, Domaška, Schultz, Šewc, Korjeńk, Bejma, Janca (72. K. Matka), Nuk (78. Lulak), Šiman (58. Rachel), Materna (78. Hrjehor)
Sobotu běchu sej Ralbičenjo k staflowemu faworitej do Wojerec dojěli. Tón bě tydźenja prěnju poražku poćerpjeł. Po domjacej partiji přećiwo Hornjemu krajej Sprjewja čakaše tuž znowa wulke wužadanje na chowancow trenarja Chrystofa Gloxyna. Nažel pak pobrachuja jemu z Dawidom Šołtu, Tomašom Rawšom, Alexanderom Wałdu, Tomašom Bejmu a Křesćanom Bejmakom tučasnje wažni stajni hrajerjo. Při zwohrěwanju zrani so tež hišće Denny Gloxyn. Tak dyrbješe trochu improwizować a Pětr Domaška hraješe w nutřkownym škiće. Cil běše jasny: nulu tak dołho kaž móžno dźeržeć.