Z wupruwowanej taktiku k dobyću

wutora, 27. septembera 2022
artikl hódnoćić
(0 )

Viktoria Worklecy I – VV Žitawa 09 II 2:1 (24:26, 25:14, 15:13)

W druhej hrě dnja hrajachu Worklečanki bjez libera a mustwo přestajichu. Přestajenje přinjese jich z rytmusa, kaž su jón w prěnjej hrě měli. Domjace mustwo wědźeše so drje sylnym nadběham přećiwnika wobarać, přiwšěm pak skutkowaše wone konfuzne a měješe ćeže, so do hry namakać. Prěnja sadźba bě hač do kónca wurunana. Wobaj cyłkaj měještej sylne akcije, kotrež wjedźechu k wuspěšnym dypkam. Krimi započa so hakle po krótkim přetorhnjenju při dypkowym stawje 21:23 za Žitawčanki. Mocyměrjenje na woběmaj stronomaj wunjese dypki za hosćićelki kaž tež hosći. Naposledk pak mějachu Worklečanki prěnju sadźbu na Žitawu ze 24:26 wotedać. Za druhi přeběh přestaji domjace zastupnistwo znowa mustwo. Z tym běchu lěpšu wariantu namakali a Worklečanki móžachu na sebjewědomje z prěnjeje hry nawjazać. Mustwo bě kaž wuměnjene a nawjedowaše druhu sadźbu hnydom z 5:0. Z wótrymi nadawkami, sylnymi nadběhami, połoženymi bulemi kaž tež nadběhami ze zadnjeho pola zamó wone prawje dypkować. Druhu sadźbu dobychu z 25:14. Tuž měješe so rozsudźaca sadźba wuhrać.

wozjewjene w: Sport
Prošu přizjewće so, chceće-li komentar podać

Serbska debata

nowostki LND