Sokoł Budyšin

– ST Marijina hwězda 0:2

(20:25, 19:25)

Po dobyću a poražce w prěnimaj domjacymaj duelomaj chychu volleyballisća Pančic-Kukowa w Budyšinje tohorunja znajmjeńša jednu hru dobyć. Přećiwo Sokołej Budyšinej so to w minjenych lětach tež najhusćišo poradźi, tak zo dźěchu hosćo dosć sebjewědomje do hry. W prěnjej sadźbje pak bě serbski duel hač k mjezystawej 15:15 poměrnje wurunany. Runje w prawym wokomiku pak hosćo wotwjertnychu a wuhrachu sej wěsty předskok pjeć dypkow. Sokoljo drje při stawje 16:18 a 16:21 hišće raz z wučasomaj wšitko spytachu, prěnja sadźba pak skónči so z 25:20 za Marijinu hwězdu. W druhej sadźbje bě poměrnje skoku wšitko rozsudźene. Spěšnje nawjedowachu hrajerjo wokoło kapitana Benedikta Smoły ze 11:5 a předskok tež hač do kónca zakitowachu. Tuž dźěše druha sadźba z 25:19 na konto Marijineje hwězdy a prěnje dobyće dnja bě perfektne.

VV Sokolnik/Wjazońca

– ST Marijina hwězda 0:2 (14:25, 18:25)