W sakskej klasy stafla wuchod je wolejbulowa hra ST Łužnica – ST Viktoria Worklecy 2:3 (19:25, 25:22, 25:21, 22:25, 10:15) we Łužnicy cyłkownje dlěje hač dwě hodźinje trała, štož je chětro dołho. To pak zaležeše na tym, zo dyrbještej cyłkaj z Łužnicy a Worklec do tiebreaka, do rozsudneje pjateje sadźby. Prěni a štwórty přechod běchu Łužničenjo ze serbskim hrajerjom Feliksom­ Rječku dobyli, druhi, třeći a pjaty pak Worklečenjo. Najlěpši hrajer w rjadach hosći z Worklec bě Elias Kummer. Wobraz­, kotryž je w Ralbicach přećiwo Kobličanam nastał, je z archiwa Jörga Stephana. Foto: Jörg Stephan

Ochranowske wolejfantki –

Viktoria Worklecy 3:0

(26:24, 25:11, 25:21)

Započatk hry bě wurunany. Hač dosrjedź sadźby k hrajnemu stawej 15:16 dypkowaštej wobě mustwje dźakowano swójskim wuspěšnym nadběham abo zmylkam přećiwnika. Hač k tutomu wokomikej zamó sej prěnje zastupnistwo snadny předskok jednoho dypka zawěsćić. Pola 16:16 prošeše trenar Ochranowskich wolejfantkow wo krótke přetorhnjenje. Tole Worklečanki njezamyli a wone přiwšěm wo kóždy dypk wojowachu. W poslednjej třećinje sadźby pak domjace zastupnistwo tempo zwyši. Worklečanki mějachu ćeže, so konsekwentnje přesadźić, a wotedachu prěnju sadźbu po napjatym finalu z 24:26 na přećiwnika.

Po změnje stronow domjace zastupnistwo sadźbu wote wšeho započatka dominowaše. Wone zamó předskok přez sylnu seriju nadaćow kaž tež přez dalše wuspěšne nadběhi z prědnjeho kaž tež ze zadnjeho pola wobstajnje wutwarić a wotstawk k Worklečankam dale a bóle powjetšić. Worklečanki mějachu ćeže při přiwzaću a zamó z tym jenož ćežko, sylny a strašny nadběh natwarjeć. Druhu sadźbu wotedachu Worklečanki z 11:25 na přećiwnika.

Šesty wólnočasny wolejbulowy turněr serije Top-sydom w Radworju je domjacy cyłk ST 1922 Radwor před mustwomaj Pawoł a SJ Chrósćicy dobył.

Po lěćnej přestawce bě sej kónc oktobra wosom wólnočasnych zastupnistwow do Radworja dojěło, zo by w tamnišej sportowni Slavia lětušeho dobyćerja předposlednjeho wolejbuloweho turněra tuteje serije wuhrało. Dokelž běchu pedagogojo Serbskeho gymnazija Budyšin swoje wobdźělenje sčasom wotprajili, postara so hłowny organizator wječora Syman Hrjehor wo dalšej cyłkaj.

Kopańca; 3. liga

SSV Ulm 1846 – VfL Osnabrück 3:5 (1:2)

1. FC Saarbrücken –

TSG Hoffenheim II2:2 (2:2)

FC Ingolstadt 04 –

TSV 1860 Mnichow1:2 (1:1)

VfB Stuttgart II –

Hansa Rostock0:1 (0:0)

MSV Duisburg –

FC Rudne horiny Aue 0:0 (0:0)

TSV Alemannia Aachen –

Viktoria Köln0:3 (0:1)

SC Verl – Čerwjeno-běli Essen 0:0 (0:0)

Wehen Wiesbaden –

FC Energija Choćebuz 3:1 (3:1)

Jahn Regensburg –

Waldhof Mannheim3:0 (1:0)

1. FC Schweinfurt – TSV Havelse 2:3 (1:2)

1. FC Energija Choćebuz 18 40  : 31 35

2. MSV Duisburg 18 32  : 22 33

3. SC Verl 18 42  : 26 32

4. VfL Osnabrück 18 25  : 19 32

5. Hansa Rostock 18 30  : 18 31

6. Čerwjeno-běli Essen 18 33  : 28 31

7. TSV 1860 Mnichow 18 29  : 27 30

8. TSG Hoffenheim II 18 37  : 26 28

9. Wehen Wiesbaden 18 24  : 20 28

10. Waldhof Mannheim 18 30  : 29 28

11. Viktoria Köln 18 28  : 25 26

12. VfB Stuttgart II 18 24  : 25 26

13. Jahn Regensburg 18 26  : 27 23

14. FC Ingolstadt 04 18 30  : 28 21

15. 1. FC Saarbrücken 18 28  : 30 21

16. TSV Alemannia Aachen 18 27  : 33 20

17. FC Rudne horiny Aue 18 19  : 28 19

18. SSV Ulm 1846 18 24  : 41 16

19. TSV Havelse 18 24  : 39 12

20. 1. FC Schweinfurt 18 16  : 46 6