Sport (09.04.21)

pjatk, 09. apryla 2021 spisane wot:

Hłowne koło w DEL 2 zakónčene

Łužiske lodohokejowe liški dyrbjachu dźensa poprawom w Frankobrodźe nad Mohanom a njedźelu doma w Běłej Wodźe hrać. Wčera pak zamołwići DEL 2 wozjewichu, zo je hłowne koło hrajneje doby 2020/2021 wot hnydom zakónčene. Wjace wo tym přichodny tydźeń w SN.

Kćenjowe běhi 24 dnjow

Wot 1. do 24. meje budu w Kamjencu wokoło Pastwineje hory čary za lětuše Kćenjowe běhi spřihotowane, kotrež smědźa so indiwiduelnje wužiwać. Start budźe přeco na Pastwinej horje. Distancy budu 2 km, 5 km a 10 km dołhe. Za kolesowarjow w Kamjencu podobny poskitk njezměja, za to smědźa wone koleso­warske čary w kolesowarskim regionje Hornja Łužica wužiwać.

Drježdźanki w finalu

Wolejbulistki Drježdźanskeho SC su wobaj połfinalej wo zaćah do finala Němskich wolejbulowych mišterstwow přećiwo SC Potsdam dobyli a steja w nim zhromadnje z cyłkom Allianz MTV Stuttgart. Finalnu seriju wuhraja wot jutřišeje soboty w modusu Best-of-Five. Mustwo,­ kotrež je tři wot pjeć hrow dobyło, je němski mišter. Hrě 21. a 24. apryla wuhratej njebudźetej, jeli je jedyn z wobeju cyłkow dočasnje dobył.

10.04. 16:30 Drježdźanski SC –

Přichodne hry DEL 2

09.04. 19:30 Lawy Frankfurt –

  Łužiske liški

09.04. 19:30 EC Bad Nauheim –

  LP Crimmitschau 

09.04. 19:30 EC Kassel Huskies –

  Sokoły Heilbronn 

09.04. 19:30 Ravensburg Towerstars –

  Bietigheim Steelers 

09.04. 19:30 LL Drježdźany –

  Tölzske Lawy 

09.04. 19:30 Bayreuth Tigers –

  ESV Kaufbeuren 

09.04. 19:30 EV Landshut –

  EHC Freiburg 

11.04. 18:30 EHC Freiburg –

  Lawy Frankfurt 

11.04. 18:30 Łužiske liški –

  EC Bad Nauheim 

tabulka DEL – skupina sewjer

1. Lodowe mjedwjedźe Berlin 33 70

2. Pinguins Bremerhaven 32 61

3. Grizzlys Wolfsburg  32 46

4. Iserlohn Roosters  30 43

5. Düsseldorfer EG   33 47

6. Kölner Haie    32 41

7. Krefeld Pinguine   33 15

tabulka DEL – juh

1. Worjoły Mannheim   32 75

2. EHC Rec Bull Mnichow 32 64

3. ERC Ingolstadt   32 55

4. Straubing Tigers   32 44

5. Schwenninger Wild Wings  33 43

6. Augsburger Panther   32 41

7. Nürnberg Ice Tigers   32 30

Jurij Bjeńš

Dźewjeć jutrownych jejkow dóstali

štwórtk, 08. apryla 2021 spisane wot:

Łužiske liški Běła Woda – ­ESV Kaufbeuren 5:9 (0:3, 1:1, 4:5)

Po tym zo Łužiske liški hižo playoffs docpěć njemóža, tež motiwacija w poslednich hrach sezony zawěsće pobrachuje. Zestupić wšak lětsa tež wjac njemóža. Jutry­ sobotu pak dachu so wot hosća z Kaufbeurena tak prawje přebić. To paradoksne při tym bě, zo dóstachu sej Kaufbeurenčenjo hakle štwórtk w Kasselu z 3:10 na měcu, dwaj dnjej pozdźišo swjećachu sami tajke kanterowe dobyće. Eric Steffen, wrotar z Běłeje Wody, bě na bo­ku domjacych hišće najlěpši muž. Z tym je hladajo na wukon Hornjołužičanow wšitko prajene. Kapitan Brad Ross njediscipliny w zašłej hrě dla zaso raz pobrachowaše, wot njeho přewza Andrew Clark wulke „C“ za kapitana.

Kopańca bě a je dale jeho žiwjenje

srjeda, 07. apryla 2021 spisane wot:

Spočatk měrca swjećeše Frank Ričel­ swoje 50. narodniny. Přeco hišće je Njebjel­čan dotal najwuspěšniši serbski kopar, kiž hraješe w swojej karjerje hłownje w třećej lize. Jurij Bjeńš je so z jubilarom rozmołwjał a jemu tójšto zajimawych prašenjow wo jeho žiwjenju jako kopar stajał.

Knježe Ričelo, móžeće skrótka Waše stacije jako kopar naličić?

F. Ričel: 1977 sym jako dźěćo w Njebjelčicach započał do bula kopać, dźesać lět dołho. Potom dźěch k A-junioram do Bi­skopic. Tam hrajachmy w druhej najwyšej lize w NDR. Jako młodźenc smědźach tehdy pola prěnjeho mustwa počuchać a tu abo tamnu hru we wyšej lize sobu hrać. Wot 1993 do 1995 šnórowach kopački za FC Rudne hory Aue, na to ćehnješe mje wosom lět dołho do Lipska k FC Saksam Lipsk, prjedy hač dach swoju karjeru najprjedy pola Budissy w Budyšinje a naposledk hišće někotre lěta tu doma w Njebjelčicach wuklinčeć.

Potajkim sće najdlěje w třećej lize hrał, trjechi?

F. Ričel: Haj, to trjechi, dohromady jědna­će lět. Tuta je so w běhu lět stajnje zaso přemjenowała.

Hra špihel lodohokejoweje sezony była

srjeda, 07. apryla 2021 spisane wot:

Ravensburg Towerstars – Łužiske liški Běła Woda 4:2 (1:0, 2:1, 1:1)

Trenar Běłowodźanskich lodohokejowych liškow Chris Straube je w nowinarskej konferency po hrě cyle jasnje narěčał, čehodla su Łužiske liški tež tule hru přěhrali: „Partija běše špihel cyłeje se­zony. Nastupajo chłostanski čas smy na prě­nim městnje tabulki. Dóstanjemy prosće přewjele chłostanjow, tak tež dźensa. Dale woramy přewjele indiwiduelnych zmylkow w defensiwje. To njemó­že nam tež Mac Carruth, najlěpši wrotar cyłeje ligi, pomhać. Runje nětko nic, hdyž nima sam 100 procentow. Tež naš powerplay je špatny. Hladajo na docpěte wrota w powerplayju stejimy na poslednim městnje tabulki. To su surowe statistiki, z kotrymiž je wězo ćežko playoff docpěć. Dźensa mějachmy w druhej třećinje hry wulku šansu z mužom mjenje, wurunanje docpěć, město toho pak dóstachmy přez konter jara bolostne wrota k 1:3. Na to wšitko spytachmy. Wrotar won a zaso nutř a zaso won a zaso nutř. Njenamakachmy pak žadyn puć, hru tola hišće dobyć.“

Awtor dźensa Pětr Šołta

Byrnjež so nalěćo hišće tak prawje předrěło njeje, stej zyma a z njej tež zymski sport za mnohich najprjedy raz wot­bytej, něwěrno?! Nic cyle: Za přiwisnikow lodohokeja je so wjeršk sezony runje hakle zahajił. W susodnej Čěskej hraja hižo­ rozsudne playoff-hry, w kotrychž su tež wospjet hokejisća z Liberec zastupjeni. Tući wšak běchu sej w zašłych lětach z krasnym, ale přiwšěm efektiwnym lodohokejom prawidłownje městno w kónčnej fazy při wuhraću mištra rezerwowali. Přećiwnik w połfinalu je Sparta z Prahi, kotraž je jako dobyćer regularneje hrajneje doby w playoff-hrach nastupiła. Za horce bitwy pod Ještědom je potajkim posta­rane, bóhdał prawje bórze tež zaso před fanami a z prawej stadionowej atmosferu. Tutu wšak dyrbja tež profijojo w ameriskej NHL parować. Aktualnu sezonu su tam hakle srjedź januara zahajili. Hač do 8. meje móža so mustwa hišće za wobdźělenje w kónčnym kole prócować. „Swjate dny“ a horca faza steja za při­wisnikow „najlěpšeho hokeja swěta“ potajkim hišće před durjemi.

Wuslědki (07.04.21)

srjeda, 07. apryla 2021 spisane wot:

Němska lodohokejowa liga (DEL)

48. hrajny dźeń DEL 2

LL Drježdźany – EHC Freiburg 1:4

EV Landshut – Tölzske Lawy 2:5

EC Kassel Huskies – ESV Kaufbeuren 10:3

Ravensburg Towerstars – Łužiske liški 4:2

Bietigheim Steelers – Crimmitschau 4:1

Bayreuth Tigers – Lawy Frankfurt 2:4

Sokoły Heilbronn – EC Bad Nauheim 5:2

49. hrajny dźeń DEL 2

EC Kassel Huskies – Tölzske Lawy 8:4

Bayreuth Tigers – LL Drježdźany 2:7

Łužiske liški – ESV Kaufbeuren 5:9

Ravensburg Towerstars – Landshut 4:5

Sokoły Heilbronn – Bietigheim 5:6

Lawy Frankfurt – EC Bad Nauheim 2:1

EHC Freiburg – LP Crimmitschau 2:0

50. hrajny dźeń DEL 2

Kaufbeuren – Ravensburg Towerstars 2:5

EV Landshut – Bayreuth Tigers 8:2

Tölzske Lawy – Lawy Frankfurt 0:4

EC Bad Nauheim – EHC Freiburg 5:4

LP Crimmitschau – Łužiske liški 3:4

aktualna tabulka DEL 2 (07.04.2021)

1. EC Kassel Huskies    49  112

2. Tölzske Lawy   50  92

3. EHC Freiburg   49  89

4. Bietigheim Steelers   49  89

5. Lawy Frankfurt   49  87

6. ESV Kaufbeuren   50  80

7. Ravensburg Towerstars   50  72

8. Sokoły Heilbronn   49  68

9. Lodowe piraty Crimmitschau  49  66

10. EV Landshut   50  60

11. EC Bad Nauheim   49  60

12. Łužiske liški   50  58

13. Lodowe lawy Drježdźany   49  56

14. Bayreuth Tigers   50  49

„Lěk za ćěło a dušu“

štwórtk, 01. apryla 2021 spisane wot:

Sulšečan Achim Mič krosnuje, padluje, kolesuje, płuwa, sněhakuje ...

Z přirodu a w njej žiwy być sej mnozy ludźo přeja. Ći jedni wo tajkim žiwjenju sonja, druzy sej je zwoprawdźeja. K tajkim słuša Serb Achim Mič z delnich Sulšec. „Dołhož móžu myslić, so rady hibam, wosebje krosnujo. Najradšo sym wonka na powětře, štož strowoće tyje a ničo njepłaći“, 65lětny powěda. Narodźił je so wón w domje, hdźež tež dźensa z mandźelskej bydli, njedaloko mosta nad rěčku, kotraž ma žórło pod horu „Hochstein“ a so po 179 kilometrow dołhim běhu po Sakskej a Braniborskej do Łobja w Saksko-Anhaltskej wuliwa. Z woknom w swojej kuchni hlada wón na Čorny Halštrow, kotryž jenož něšto metrow dale ćeče. „Je cyle jednorje krasne při wodźe bydlić. Hdyž na rěčku hladam, přeco zaso něšto druhe widźu.“ Tak Achim Mič powěda, zo je so jako hólčec často w njej kupał. Pozdźišo, za NDRski čas, běše woda chětro zanjerodźena. Dźensa pak wón hdys ­a hdys zaso do njeje skoči a so w njej ­wočerstwja. „Dźěćom přeco praju, płuwać je najstrowši sport.“

Sport (01.04.21)

štwórtk, 01. apryla 2021 spisane wot:

Potuńšene poskitki z hnězda FCE

Pod hesłom #MY MAMY JEJA poskića FC Energija Choćebuz w swojim online­shopje zhromadnje z jutrownym zajacom potuńšene jutrowne jejka. W prěnim jejku je trikot z knihu, w druhim ­fanowej šawlej, w třećim kniha, kalender a awtogramowe karty a w štwórtym dźěćacy trikot a maskotka Lauzi.

Jutrowne jejka sej wotběhać

Sportowe towarstwo Natwar Němske Pazlicy přeproša swójby, sportowče a sportowcow na tradicionalne wotběhanje jutrownych jejkow za jutry póndźelu. Lětsa budźe sportowa akcija, kotraž je bjez wubědźowanskeho charaktera, znowa indiwidualna. Kaž hižo w decembrje při wotběhanju hodownych husycow změja tam znowa boksu z kołkom. Póstowy kašćik, do kotrehož smědźa wobdźělnicy mejlowy kontakt za připósłanje wopisma tyknyć, je tam tohorunja hižo připrawjeny.

Dalekubłanja nazwučowarjam

Hosćo lesćiwje wustupowali

srjeda, 31. měrca 2021 spisane wot:

Łužiske liški Běła Woda – Sokoły Heilbronn 3:5 (0:0, 2:2, 1:3)

Po snadnej poražce w Freiburgu dźěchu Běłowodźanske lodohokejowe liški znowa jako přěhračk z hrajnišća. Tónkróć podležachu doma Sokołam Heilbronn z 3:5. Freiburg a Heilbronn stej jeničkaj kontrahentaj, přećiwo kotrymajž su Liški w nětčišej sezonje wšitke duele přěhrali.

Hra bě so z wida hosćićela cyle derje započała, dobre šansy pak njebuchu my­to­wane. Sokoły so tohorunja hdys a hdys strašnje před wrotami Mac Carrutha jewjachu, ale tež wone njemóžachu wrotarja přewinyć. Tuž dźěše 0:0 do prěnjeje přestawki.

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND