Regionalna liga muži startowała
W regionalnej lize sewjerowuchod je so minjeny kónc tydźenja prěni hrajny dźeń noweje hrajneje doby 2025/2026 přewjedł. Hra druheho mustwa Herthy BSC dyrbješe wupadnyć, dokelž steješe bus hosći z Meuselwitza na awtodróze, kotraž bě njezboža dla zašlahana. Zazběhowu partiju prěnjeho načolnika FC Carl Zeiss Jena noweje hrajneje doby w Babelsbergu sudźeše sudnik Michał Neter z Njeswačidła. Wón dyrbješe mjez druhim kotrenarjej domjaceho cyłka Danielej Frahnej žołtočerwjenu kartu pokazać, dokelž běše so tón na foul hrajerja z Jeny hóršił.
Erfurt – FSV 63 Luckenwalde 2:1 (0:0)
Hertha BSC II – ZFC Meuselwitz wupad
Altglienicke Berlin – Zehlendorf 2:0 (0:0)
BFC Preussen – FC Eilenburg 2:2 (0:1) Halleski FC – BFC Dynamo 1:0 (0:0) FSV Zwickau – Lok Lipsk 1:1 (0:0)
Kamjenica – Greifswaldski KK 1:0 (1:0)
Babelsberg – FC Carl Zeiss Jena 1:4 (0:3)
Lipsk – 1. FC Magdeburg II 0:2 (0:0)
1. FC Carl Zeiss Jena 1 4:1 3
2. 1. FC Magdeburg II 1 2:0 3
2. VSG Altglienicke Berlin1 2:0 3
4. FC Čerwjeno-běli Erfurt 1 2:1 3
5. Kamjeničanski FC 1 1:0 3
5. Halleski FC 1 1:0 3
7. BFC Preussen 1 2:2 1
7. FC Eilenburg 1 2:2 1
9. Lok Lipsk 1 1:1 1
9. FSV Zwickau 1 1:1 1
11. Hertha BSC II 0 0:0 0
11. ZFC Meuselwitz 0 0:0 0
13. FSV 63 Luckenwalde 1 1:2 0
14. BFC Dynamo 1 0:1 0
14. Greifswaldski KK 1 0:1 0
16. BSG Chemija Lipsk 1 0:2 0
Jendźelske žony europske mišterki
Trenar wostanje optimistiski
FC Rudne horiny Aue – FC Energija Choćebuz 2:0 (1:0)
Zestawa FC Energije Choćebuz: Bethke – Rorig, Campulka, Awortwie-Grant (76. Slamar), Borgmann (76. Juckel), Ciğerci (83. Heidrich), Pelivan, Hofmann (46. Boziaris), Hajrulla (46. Moustfa), Engelhardt (76. Tattermusch), Butler (76. Ogbidi)
wrota: 1:0 Marvin Stefaniak (3.), 2:0 Lukas Schimkus (82.)
přihladowarjo: 1 237
Zejičan Paul Domš, na wobrazu sedźo na dumperu, je wčera w ...
Poradźeny test noweje sezony
Sokoł Ralbicy/Hórki – Přezjednota Niska II 5:1 (3:0)
Za Ralbicy zasadźeni: Schöne – Šołta, B. Heidorn, Wałda, L. Heidorn, Gloxyn, Rachela, Woko, N. Šnajder, B. Bejma, Hicka, Matka, Čórlich, R. Šnajder, T. Bejma, Janca, Mjechela
Na prěnju testowu hru za nowu hrajnu dobu běchu sej Sokoljo rezerwu Přezjednoty z Niskeje přeprosyli, kotraž tohorunja we wokrjesnej wyšej lize hraje. Sokoljo hnydom ceptar přewzachu a mějachu přez Niklasa Šnajdera dwě stoprocentnej móžnosći, kotrejž pak dobry wrotar wujasni. Tež třeću młody Radworčan wužić njezamó, potom pak Tim Hicka wrota docpě (15.). Tež w dalšim hrajnym času Sokoljo hru dominowachu, ale wjele šansow njewužichu. Tuž traješe hač do 38. min., zo móžachu zaso juskać. Pawl Rachela startowaše sylne solo a wotpołoži na Hicku, kotryž swoje druhe wrota docpě (38.) W poslednjej mjeńšinje prěnjeho połčasa dowjedźe róžk k třećim wrotam. Do lisćiny třělcow zapisa so škitar Balthasar Heidorn.
Widźał, słyšał, napisał (28.07.25)
Profijowe kaž tež amaterske koparske cyłki so tuchwilu na nowu hrajnu dobu přihotuja. Tež w sakskej stolicy je napjatosć mjez fanami a zamołwitym po postupje do druheje zwjazkoweje ligi wulka. Mustwo šwicarskeho trenarja Thomasa Stamma startuje z wonkownej hru přećiwo Greuther Fürthej do noweje sezony. Hižo na druhim hrajnym dnju wotměje so potom w Drježdźanach derby přećiwo cyłkej z Magdeburga. Stamm, kotryž bě do swojeho angažementa pola Dynama dźewjeć lět w Freiburgu trenar, je hač dotal ze swojim měrnym a wěcownym wašnjom přeswědčił. Na tutón faktor w juhu kraja wulku wažnosć kładu. W njeměrnym Drježdźanskim towarstwje je tale kajkosć hišće bóle požadana, wšako duje w druhej lize hinaši wětřik. Tak budźe wažne a rozsudne, zo dadźa jeho a cyły trenarski team woměrje dźěłać. Najwjetši wukon pak je so towarstwu hižo do sezony zešlachćił. Po wjacorych lětach maja Dynamowcy zaso mustwo U23, kotrež w krajnej lize nastupi. Za dorostowych hrajerjow je dźě to trěbny a prawy poskitk, zo móža so na kopańcu muži přihotować.
Sport (25.07.25)
Dumpery bórze w Hórkach
Po zazběhowym wubědźowanju w Adelsdorfje a dalšim běhu w Bad Freienwalde přewjedźe so lětuši třeći z pjeć běhow wo Němske dumperowe mišterstwo (DDM) w Hórkach pola Chrósćic. Sobotu, 26. julija, budźe wot 16. do 17.30 hodź. techniske přepruwowanje a wot 18. hodź. přewjedźe so prěni z dweju kwalifikaciskeju běhow. Druhe techniske přepruwowanje dumperow je za njedźelu, 27. julija, wot 9.30 do 10.30 hodź. planowane. Druhi kwalifikaciski běh budźe njedźelu wot 11. hodź. a třeći běh wo Němske dumperowe mišterstwa wot 13.30 hodź. Dalšej běhaj 2025:
31.08. 14:00 Baćoń
04.10. 14:00 Ramnow
Wulki jěchanski turněr
W Bošecach pola Kubšic přewjedu Budyscy jěcharjo na tamnišim jěchanišću wot 25. do 27. julija swój 18. wulki Budyski jěchanski turněr. Nimo skakanja budu so jěcharki a jěcharjo tež w dresurje wubědźować. Pjatk a sobotu započnu so wurisanja w 7.30 hodź., njedźelu hodźinu pozdźišo.
Přihotowanske koparske hry
Po wosmym serbskim supercupje započnu so dźensa za serbske koparske cyłki testowe hry za nowu hrajnu dobu. Zazběh twori dźensa wječor prěnje koparske mustwo SJ Njebjelčicy.
25.07. 18.30 SJ Njebjelčicy –
SSV Nowe Město/Sakska
FC Energija trenuje w Awstriskej
Wot minjeneho štwórtka přebywa mustwo FC Energije Choćebuz tydźeń w treningowym lěhwje w Awstriskej.
Mjez wšelakimi treningowymi jednotkami běštej tež dwě přihotowanskej hrě. Prěnju hrajachu přećiwo domjacemu prěnjemu ligistej SV Ried. Tutón duel prěni ligist 2:1 doby. Při woběmaj testomaj daše trenar FCE Claus Dieter Wollitz hrajerjow cyły čas hrać, tak zo móžeše woprawdźite dopóznaća wo aktualnym fitnesowym stawje swojich hrajerjow zběrać. Najebać poražku w prěnjej hrě bě z tutym po swójskim wuprajenju dosć spokojom. A to wosebje po druhej hrě přećiwo postupnikej druheje ligi Hertha Wels, kotrehož FCE z wuspěchom 3:1 porazy.
W druhej testowej partiji, kotraž započa so z dźeržanym pokutnym kopom Alexandera Sebalda, ma so wukon Cana Moustfa wuzběhnyć. W ofensiwje bě wón wosebje přez dwoje wrota a wuběrne akcije napadnył. Směmy z toho wuchadźeć, zo 20lětny sobotu, 2. awgusta nimo Tolcayja Ciğercija druhu poziciju w startowym mustwje Energije wobsadźi. Georg Zielonkowski
ST Ried –
FC Energija Choćebuz 2:1 (1:1)
Stara garda wuspěšna w prěnim kole
Wot lěta 2016 wobdźěla so stara garda Sokoła Ralbicy/Hórki na winowatostnych hrach wólnočasneje koparskeje ligi Zapadołužiskeho koparskeho zwjazka. Ralbičenjo wuhraja hry na wulkim polu. Móža pak hry tež na małym polu w druhej stafli wuhrać.
Cyłkownje je so dźewjeć mustwow za wulke hrajnišćo přizjewiło a wo dypki hrało. Nažel pak njeje čas dosahał, zo bychu dwójne koło wuhrali, wšako so w prózdninach njehraje. Tuž rozsudźichu so zamołwići zaso za jednore koło z nowostku. Prěni štyrjo wuhraja tak mjenowane play-off-hry přećiwo sebi, zo bychu tak mištra zwěsćili. Dypki, kotrež sebi prěni štyrjo wuhrachu, su do noweje tabulki přewzali. Te samsne liči za poslednich pjećoch. Woni wuhraja tam městna 5 do 9.
Tuž běše dobry start wězo wažny, a na twjerdym hrajnišću so tón tež poradźi. Ralbičenjo dobychu doma 3:0 přećiwo Horam. Tež druhu hru we Wojerecach dobychu.
Kulowčenjo sezonu derje zakónčili
„To bě zjednanliwe wotzamknjenje hrajneje doby.“, rjekny trenar prěnjeho koparskeho mustwa DJK Módro-běłych Kulow Stephan Prucha po poslednjej hrě sezony 2024/2025. Tu běchu Kulowčenjo doma před 60 přihladowarjemi mjenujcy 5:2 přećiwo KT Ottendorf-Okrilla dobyli. Z tym polěpšichu so Kulowčenjo w tabulce wokrjesneje wyšeje ligi hišće wo jedne městno na wosme. Hakle na sydomnatym hrajnym dnju běchu so trochu z pincy tabulki wuswobodźili. Prěnje a druhe koło běštej za Kulowčanow nimale jenak wuspěšnej.
Hinak je to w statistice domjacych a wonkownych hrow. Doma w Kulowje cyłk Stephana Pruchi lěpje hraješe hač w cuzbje. Na kóncu zhladuja cyłkownje na 11 dobyćow, 6 remisow a 13 poražkow. Wrotowy poměr 46:54 bě wosom minusowych wrotow dla negatiwny.
