Po wulkim mjerzanju skomdźeneho postupa dla dźe tuchwilu w Choćebuzu wo zasadnu změnu kadra hrajerjow FC Energije Choćebuz. Mnohich fanow je překwapiło, zo njebuchu zrěčenja sylnych hrajerjow kaž Filipa Kusića, Phila Halbauera abo Tobiasa Hasseho podlěšene. Porno tomu su wjace hač poł ducenta młodych hrajerjow do mustwa integrowali, kotřiž maja lědma nazhonjenja w třećej lize. Tuž je so Georg Zielonkowski po prěnim tydźenju treninga k dalšej rozmołwje ze šeftrenarjom Clausom-Dieterom Wollitzom zetkał.

Po tydźenju intensiwneho treninga je mustwo prěni kónc tydźenja hnydom trójce w testowych hrach přećiwo přećiwnikam z nišich klasow nastupiło. Kajke běchu prěnje zaćišće?

C.-D. Wollitz: W prěnimaj testowymaj hromaj běchu wšitcy jara sylnje po puću. Njedźelu, při třećej hry, přećiwo Kulowej (8:0) pak běchu někotři tola mučni. To je normalne a mi žane starosće nječini. Wosebje­ nowi hrajerjo běchu jara angažowani, bjezstarostni a motiwowani. Su pak tež spóznali, zo mamy w třećej lize hinaše naroki. W cyłku smy jara spokojom.

Arnsdorfske KT –

ST Marijina hwězda 1:1 (0:0)

Zestawa hosći: D. Matik – Fe. Langer (46. Ch. Cyž), J. Zelnak, R. Cyž, J. P. Kuring, F. Peschmann (68. J. Clausen), A. Eldor (81. K. Pakoßnick), M. Wróbl (77. Luk. Hoge), J. Pakoßnick, Fl. Bulank (57. E. Bulank), Pa. Lugge

Horcy bój při wysokich temperaturach su zajimowani přihladowarjo na poslednim hrajnym dnju na kumštnym trawniku w Arnsdorfje dožiwili. Hakle po dwaceći mjeńšinach pak móžeše rozprawjer prěnju šansu do swojeho zešiwka zapisać. Konter domjaceho cyłka přez centrum na startowaceho Daniela Mittaga David Matik sylnje znješkódni. Tři mjeńšiny pozdźišo steješe Nowosličan znowa w srjedźišću, jako placěrowanu třělwu z distancy z rukomaj runje hišće pódla žerdźe wotwobara. Po 34 hratych mjeńšinach tež Pančičenjo jara strašnje před kašćikom přećiwnika wustupowachu. Při tym docpě bul ze srjedźneho pola Floriana Bulanka, kotryž jón pódla wrotarja połoži. Dokelž pak běše bul spěšniši hač nadběhowar, kuleše so nimo wrotow. Poslednju móžnosć w prěnim połčasu měješe Arnsdorfske mustwo. Pospyt z wótreho kuta hóstny wrotar wotwobara.

Na mjezy mjez koparskimaj hrajnymaj dobomaj 2024/2025 a 2025/2026 je so sportowy reporter Georg Zielonkowski z trenarjom třećeho ligista FC Energije Choćebuz Clausom-Dieterom Wollitzom rozmołwjał. Předewšěm dźěše wo minjenu hrajnu dobu a wo skomdźeny postup do druheje zwjazkoweje ligi.

Po tym zo njeje so wulki són spjelnił – što Was wokomiknje jima?

C.-D. Wollitz: Sym njerozsudźeny. Zrudoba přewahuje, dokelž bě něšto historiskeho móžno. Tohodla sym přesłapjeny. Njewěm doskónčnje, čehodla je po 24. hrajnym dnju ta abo tamna hra tak cyle hinak wotběžała hač wočakowane. Hakle w poslednimaj hromaj smy swoju staro­znatu energiju zaso našli. Něšto druhe je w tutym času k tomu přišło: Wot nowembra smy so přehusto sylnych a wukonliwych hrajerjow wzdać dyrbjeli. Přichod pokaza, hač wulku šansu, so postupej bližić, hišće raz dóstanjemy.

Narěčiće znowa 24. hrajny dźeń, kotryž rady jako datum sportoweho přewróta definujeće. Dokelž po přěhraću hižo wšitko tajke njebě kaž do toho ….