SJC po słabym starće tola dobyli
ST Wulka Dubrawa –
SJ Chrósćicy 1:2 (1:0)
Zestawa hosći: Škoda – Wornar (52. Graf), Młynk, M. Dźisławk, B. Cyž, L. Zahrodnik, Hawš, Kral-Zahrodnik, B. Donat (52. Mark), Bjeńš (90. Wićaz), Šiman (90. F. Cyž)
Po štyrinjedźelskej přihotowanskej fazy startowachu Chróšćenjo zašły pjatk wječor z pokalnej hru we Wulkej Dubrawje do noweje sezony. Minjenu sezonu su w pokalu samo połfinale docpěli.
Domjacy lěpje do hry startowachu. Woni łakachu na zmylki SJC a pytachu direktne puće na wrota. Prěnje móžnosće pak wulce strach njewubudźichu. Poněčim Chróšćenjo kontrolu nad hru přewzachu. Ale dobre móžnosće sej tež woni spočatnje njewuhrachu. Runje w tutej fazy docpěchu hosćićeljo nawjedowanje. Po zmylku při srjedźnej liniji startowachu Wulkodubrawčenjo konter, kotryž Elia Rudolph w 19. min. k 1:0 we wrotach zaměstni. Po zastatku so Chróšćenjo zhrabachu a so tež před wrotami domjacych pokazachu. Tola třělwje Franca Bjeńša abo Luciana Zahrodnika wrotarja před wulke problemy njestajištej. Dalše móžnosće SJC domjacy škitarjo derje zakitowachu.
Wuslědki (12.08.25)
Wokrjesny pokal
Bukecy II – SJ Chrósćicy II 1:3 (1:1)
ST Wulka Dubrawa – SJ Chrósćicy 1:2 (1:0)
HZ Kulow II – ST Bart 7:8 (0:2) ptj
Wachau II – Zeleno-běli Sepicy 2:0 (1:0)
HZ Horni kraj II – ST Wjelećin 1:0 (0:0)
HZ Bretnig-Hauswalde II –
ST Marijina hwězda2:6 (2:2)
ST Lubuš II – Hlinowski SK 4:2 (0:0)
Wjazońca – ST Hnašecy-Dobruša 1:4 (0:1)
LSV Hory II – Rakečanske ST II 3:2 (2:2)
Delni Wujězd – Němske Pazlicy II 0:6 (0:4)
J. Kamjenc – Huska/Hodźij 4:3 (2:1) pp
Mały Wjelkow –ST Njeswačidło 0:3 (0:0)
HZ Běła/Cunnersdorf –
ST Radwor3:4 (2:1) pp
Porchow – Wulke Rědorjecy II 4:3 (2:1)
Łaz/Běły Chołmc – Ralbicy/Hórki 1:2 (0:1)
Wóspork – HZ Wulka Dubrawa II 1:4 (1:2)
ST Haselbachtal –
ST Demicy-Tumicy1:2 (1:0)
SJ Njebjelčicy – TSV Połčnica II 4:3 (2:2)
Minakał – Rakečanske ST 4:2 (1:1)
Bretnig-Hauswalde –
Großnaundorf4:2 (1:2)
ST Kubšicy –
HZ ST Horni kraj-Sprjewja 5:3 (2:0) pp
HZ Frankenthal –
FV Ottendorf-Okrilla 3:5 (0:0) pp
Zbožo wulku rólu hrało
1.FC Schweinfurt –
FC Energija Choćebuz 0:2 (0:0)
FC Energija Choćebuz: Bethke – Rorig, Campulka, Awortwie-Grant, Guwara, Pelivan, Hofmann (65. Boziaris), Borgmann (80. Mousta), Ciğerci, Engelhardt (65. Tattermusch), Butler (90.+2 Moustfa). trenar: Wollitz
wrota: 0:1 Campulka (90.+3), 0:2 Moustfa (90.+8)
Tak jednorje to njebě, zmužiće agěrowacemu nowačkej swoje hranicy pokazać. Dokelž bě žerdź na puću, njezamóchu domjacy w 5. min. nawjedować.
W druhim połčasu pokaza Choćebuz jasnje wjace prezency a zaběraše přećiwnika wosebje w škiće. Hakle po žołto-čerwjenej karće za Geisa (66.) a Dellingera (83.) zamóchu Choćebuženjo šansy wužić. Přiwšěm pak traješe hač do třećeje mjeńšiny přidatneho hrajneho časa, doniž njemóžeše Energija tutu wuběrnu konstelaciju wužić. Tim Campulca docpě 1:0. Wrota Can Moustfa pjeć mjeńšinow pozdźišo běchu skónčnje sćěh „Wšo abo ničo“ hosćićela, při kotrymž agěrowaše tež wrotar Toni Stahl w Choćebuskej šěsnatce. Tak njeměješe Moustfa žane ćeže po přihrawce Romarija Hajrulla bul we wrotach zaměstnić a z tym kónčny rozsud 2:0 docpěć. Georg Zielonkowski
Pokalny duel mjez HZ Bretnig-Hauswalde a ST Marijinej hwězdu, kotryž ...
Widźał,słyšał, napisał (11.08.25)
Awtor dźensa
Michał Nuk
Sće hižo raz słyšeli wo beach-mjetańcy? Abo wo korfbulu? Abo wo powerboatingu? Tele dny maće składnosć, tute trochu eksotiske sportowe družiny na swětowym niwowje zeznać.
Wot 7. do 17. awgusta wotměwaja so mjenujcy w juhozapadnochinskim měsće Chengdu World Games – serbsce Swětowe hry. To su takrjec mjezynarodne wubědźowanja njeolympiskich sportowych družin. Tute wulkozarjadowanje, kotrež mjeztym hižo 34 lět eksistuje, přewjeduje so w samsnym turnusu kaž lěćne olympiske hry, jenož stajnje lěto pozdźišo. Prěni raz zetkachu so 1981 w US-ameriskim Santa Clara, tehdy hišće w 15 oficialnych a jednej tak mjenowanej přeprošenskej sportowej družinje. Wšo dohromady běše jich přibližnje 1 600 wobdźělnikow z 58 krajow. Tola kaž jich „wulki přikład“ su tež Swětowe hry mjeztym rozrostli. Runje, na XII. wurisanju zetkawa so na 4 000 sportowcow ze 116 krajow.
Daloke puće za Pančičanow
W minjenej hrajnej dobje nastupichu hrajerjo wokoło trenarskeje dwójki Frank Šnajder a Kai Frenzel znowa w stafli I juh, štož bě jara husto z dalokimi jězbami zwjazane. Cil wšěch wobdźělenych zamołwitych a hrajerjow rěkaše: Tak zahe kaž móžno zdźerženje klasy zawěsćić a so nimo toho w hornjej połojcy tabulki etablěrować. Zwostaće w lize drje móžachu hrajerjo zwoprawdźić, naposledk pak wuskoči w kónčnym wotličenju jenož přesłapjace 10. městno.
Dypki: Po 26 hrach docpěchu Pančičanscy koparjo z wosom dobyćemi, pjeć njerozsudnymi hrami, 13 poražkami a negatiwnym wrotowym poměrom 45:54 drje 29 ličakow. Sportowe sudnistwo Zapadołužiskeho koparskeho zwjazka pak tutón staw wo tři dypki přemało aktiwnych sudnikow dla redukowaše, z čimž mějachu na kóncu jenož 26 dypkow.
Přihladowarjo: Při hrach na domjacym trawniku sćěhowaše přerěznje 54 přihladowarjow hram. Hnydom na druhim hrajnym dnju bě jich ze 105 najwjace, a to w serbskim derbyju přećiwo druhemu mustwu SJ Chrósćicy. Wrota za domjacych docpěštaj Florian Kreuz (10., 22.) a Ali Eldor (48.). Za Chróšćanow bě Franziskus Wornar (19.) trjechił.
Wuslědki (11.08.25)
Kopańca; 3. liga
Schweinfurt – Energija Choćebuz 0:2 (0:0)
FC Saarbrücken – Viktoria Köln 2:1 (2:0)
Ulm – FC Rudne horiny Aue 1:0 (1:0)
Havelse – Čerwjeno-běli Essen 1:1 (0:0)
Aachen – Hoffenheim II 2:4 (1:2)
TSV Mnichow – VfL Osnabrück 3:1 (2:0)
Rostock – Waldhof Mannheim 1:0 (0:0)
VfB Stuttgart II – FC Ingolstadt 2:1 (2:0)
1. MSV Duisburg 2 6 : 1 6
2. FC Energija Choćebuz 2 5 : 3 4
2. Wehen Wiesbaden 2 5 : 3 4
4. TSG Hoffenheim II 2 4 : 2 4
4. TSV 1860 Mnichow 2 4 : 2 4
6. 1. FC Saarbrücken 2 5 : 4 4
7. Hansa Rostock 2 1 : 0 4
8. Viktoria Köln 2 3 : 2 3
9. VfB Stuttgart II 2 3 : 3 3
10. SSV Ulm 1846 2 2 : 3 3
11. SC Verl 2 4 : 4 2
12. Čerwjeno-běli Essen 2 2 : 2 2
13. TSV Havelse 2 1 : 1 2
14. FC Ingolstadt 04 2 2 : 3 1
14. Waldhof Mannheim 2 2 : 3 1
16. FC Rudne horiny Aue 2 0 : 1 1
17. TSV Alemannia Aachen 2 2 : 4 1
18. VfL Osnabrück 2 1 : 3 1
19. Jahn Regensburg 2 1 : 5 1
20. 1. FC Schweinfurt 2 0 : 4 0
Sport (08.08.25)
Budissa hraje njedźelu doma
Wyši koparski ligist Budissa Budyšin změje njedźelu w nowej hrajnej dobje swój prěni wustup před domjacym publikumom. Do města přijědźe zastupnistwo FC Grimma, kotrež je kaž Budyšenjo swoju zazběhowu dypkowu hru přěhrało. Biskopičenjo hraja hižo dźensa wječor pola SC Freital.
08.08. 18:30 SC Freital –
Biskopičanske KT 08
10.08. 14:00 Budissa Budyšin –
FC Grimma
Zazběhowe pokalne koło
Po prěnjej pokalnej hrě HZ Budyšink přećiwo HZ Ralbicy II/Pančicy II zašły kónc tydźenja, přewjedu so dźensa, jutře a njedźelu dalše hry pokalneho koła Zapadołužiskeho koparskeho zwjazka. Wobě Chróšćanskej mustwje hrajetej dźensa wječor w Bukecach a we Wulkej Dubrawje. Njebjelčenjo maja jeničku domjacu hru.
08.08. 18:00 Zeleno-běli Bukecy II –
SJ Chrósćicy II
08.08. 18:00 ST Wulka Dubrawa –
SJ Chrósćicy
09.08. 15:00 HZ Bretnig/Hauswalde –
ST Marijina hwězda
10.08. 14:00 HZ Běła/Cunnersdorf –
ST Radwor
10.08. 14:00 HZ Łaz/Běły Chołmc –
Sokoł Ralbicy/Hórki
10.08. 15:00 SJ Njebjelčicy –
TSV Połčnica II
Běhi na Běłobóh
Dobyća so wzdać dyrbjeli
FC Energija Choćebuz –
1. FC Saarbrücken 3:3 (2:1)
Zestawa Energije Choćebuz: Bethke – Rorig, Awortwie-Grant, Campulka, Guwara, Hofmann (82. Boziaris), Pelivan (90.+4 Duah), Borgmann, Ciğerci (90.+4 Juckel), Engelhardt (82. Tattermusch)
Jenož sekundy dźělachu mustwo FC Energije Choćebuz wot zasłuženeho zazběhoweho dobyća. Na kóncu pak dopomhachu samowrota Tima Campulki hosćom k dypkej w Choćebuzu.
Wot zahwizdanja dominowaše FC Energija partiju dźakowano spěšnej hrě hrajerjow Justina Butlera a Leona Guwara. W 15. a 22. min. trjechi Tolcay Ciğerci k 2:0. Tim Civeja w 26. min. z hłowu na 2:1 skrótši. Třeće wrota docpě Erik Engelhardt ze sylnej akciju w 57. min. Jara dwělomny wólny kop (Jonasej Hofmannej bu bul do připołoženej ruki třěleny) wobradźi hosćom 2:3 (60.). Hra bu nětko jasnje dźiwiša. Samowrota Tima Campulki k 3:3 (90.+6) bě wulki šok za Energiju a njezasłuženy wukónc hry.
Georg Zielonkowski
Lěćny camp FC Energije z wobdźělnikom z Hornjeje Łužicy
W pjatym tydźenju Sakskich prózdnin přewjedźechu tradicionalny prěni lěćny camp FC Energije Choćebuz, na kotrymž so Paul Čuška z Hornjeje Łužicy wobdźěli. 58 młodych koparkow a koparjow dožiwi intensiwny tydźeń połny treninga a njezapomnitych wokomikow.
Na ležownosći DFB w Choćebuzu witachu štyrjo trenarjo a nawoda campa, něhdyši profi Toralf Konetzke, motiwowanych wobdźělnikow. Kóždy młody kopar a koparka dósta kompletnu drastu FC Energije. Dźěći rozdźělichu so po starobje do štyrjoch skupin, kotrež mějachu mjena znatych Choćebužanow: Wollitz, Juckel, Tallig a Tattermusch. „Prěnjotnje je nam wjeselo při kopańcy a kontakt mjez dźěćimi ze wšelakich towarstwow wažny“, rozłoži Toralf Konetzke. Dale wón praji: „Naš plan za cyły tydźeń je chětro połny.“ A to wón tež bě: Nimo intensiwnych treningowych jednotkow na štyrjoch stacijach nastupajo hrajnu formu, koordinaciju, přihraće a třělenje, stejachu tež turněry, wulět do trampolinoweho domu a test koparskeho znamješka DFB na programje.
