Sport (02.05.25)
Kćenjowy běh a kolesowanje
W Kamjencu přewjedu njedźelu, 4. meje, zaso Łužiski kćenjowy běh. Sćěhowace wubědźowanja so wotměja: Běhi přez 1 km, 2 km, 6 km, 10 km a 15 km, walking přez 10 km a inkluziski běh kaž tež kolesowanje: hórski duatlon, 25 km, 50 km, 80 km. Wurisanja započnu so w 9 hodź., kónc budźe wokoło 16 hodź. Přizjewjenja su hišće hač do 3. meje w 12 hodź. pod abo móžne. Na dnju zarjadowanja wobsteji tež hišće móžnosć so přizjewić.
Dypkowe koparske hry
03.05. 13:00 ST Lubuš II –
HZ Ralbicy II / Pančicy II
03.05. 14:00 Biskopičanske KT 08 –
Germania Halberstadt
03.05. 15:00 ST Módro-běli
Njeswačidło –
SJ Njebjelčicy
03.05. 15:00 FV Ottendorf-Okrilla 05 – Sokoł Ralbicy/Hórki
03.05. 15:00 Módro-běli Kulow –
Rakečanske ST
04.05. 13:30 FC Energija Choćebuz –
Waldhof Mannheim
04.05. 15:00 Drohotka Ramnow –
SJ Chrósćicy
04.05. 15:00 ST Wjelećin –
SJ Chrósćicy II
04.05. 15:00 ST Radwor – ST Kubšicy
Posledni wustup Worklečankow
We wobwodnej lize Wuchodosaksa přewjedźetej so jutře w Budyšinje poslednjej dypkowej wolejbulowej hrě sezony 2024/2025. Pola rezerwy MSV Budyšin nastupitej cyłkaj z Koblic a Worklec. Wobaj budźetej we woběmaj duelomaj jasny faworit, dokelž su Budyšanki dotal wšitke hry přěhrali.
03.05. 14:00 MSV Budyšin 04 II –
Wysoka poražka za Chróšćanow
SJ Chrósćicy II –
Hlinowski SK 0:7 (0:4)
Zestawa domjacych: M. Mark – Wowčer (77. J. Mark), F. Zahrodnik (11. M. Donat), T. Donat, Handrik, Sćapan (77. Klemenc), Budar (77. Wjela), J. Donat (61. Pöpel), Domaška, M. Zahrodnik, Liznar
Zašłu njedźelu přichwata načolnik tabulki wokrjesneje ligi do Chrósćic přećiwo tamnišej rezerwje.
Wuslědki (30.04.25)
Wokrjesna liga stafla I
Rakečanske ST II – TSV Wjazońca 4:2 (1:0)
Arnsdorfske KT – Frankenthal 7:2 (3:0)
Kumwałd – HZ Huska/Hodźij 3:1 (1:1)
SJ Chrósćicy II – Hlinowski SK 0:7 (0:4)
Marijina hwězda – Wjernarjecy 3:3 (2:2)
Porchow – Steinigtwolmsdorf 3:3 (2:2)
ST Wjelećin – Bretnig-Hauswalde 0:3 (0:2)
1. Hlinowski SK 1931 18 67 : 14 47
2. Bretnig-Hauswalde 19 62 : 16 41
3. ST Porchow 19 50 : 28 34
4. TSV Wjazońca 19 51 : 33 33
5. Motor Kumwałd 19 41 : 45 31
6. SZ Steinigtwolmsdorf 19 40 : 34 30
7. HZ Frankenthal 19 30 : 40 28
8. Arnsdorfske KT 19 43 : 42 25
9. HZ Huska/Hodźij 19 30 : 35 24
10. ST Marijina hwězda 19 36 : 43 18
11. TSV Wjernarjecy 19 27 : 58 16
12. ST Wjelećin 19 40 : 59 14
13. Rakečanske ST II 18 31 : 69 11
14. SJ Chrósćicy II 19 31 : 63 10
Jenož remis po wotměnjatej hrě
ST Marijina hwězda –
TSV Wjernarjecy 3:3 (2:2)
Zestawa domjacych: Matik – Wróbl, E. Bulank, K. Pakoßnick (83. Peschmann), Hoge, Lugge, Kurink, Fl. Bulank, Eldor (67. R. Cyž), Kreuz (62. F. Zelnak), J. Pakoßnick (75. Langer)
Napjate sadźby njedosahachu
VfL Pirna Copitz 07 –
ST Viktoria Worklecy 3:1
(22:25, 29:27, 25:10, 25:23)
Na předposlednim hrajnym dnju sakskeje klasy wopytachu Worklečanscy wolejbulisća mustwo, kotrež steji na druhim městnje hrajneje tabulki, w Pirnje. Bě to třeća ćežka wonkowna hra zašłych tydźenjow. Přiwšěm běchu Viktorianojo kruteje wole, nochcychu dypki bjez boja wotedać.
Byrnjež třo stajni hrajerjo pobrachowali, móžachu dźakowano šěrokemu dorostowemu kadrej z 12 hrajerjemi dojěć. Mjez nimi bě Benedikt Šołta, kotryž swjećeše na tutym dnju swoje 18. narodniny. Tež stajny přistajer Jakub Bobka njebě pódla a tak dyrbješe Marcel Rjelka zaskočić. Wón spjelni tutón nadawk suwerenje a swojim nadběhowarjam přeco zaso perfektnje přihrawaše.
Tak bě prěnja sadźba hač do 17:17 wurunana. Po tym wuhrachu sej hosćo samo předskok dweju dypkow. Za poslednjej nadaći poda so Józef Šnajder na zakładnu liniju. Blok zamóchu z klewernej změnu hišće raz wo někotre centimetry zesylnić, tak poradźi so jim mała sensacija a přewinychu faworita 25:22.
Zasłužena poražka Sokołow
Sokoł Ralbicy/Hórki –
SC 1911 Großröhrsdorf 0:3 (0:3)
Zestawa domjacych: Schöne – Matka (46. Matka), B. Heidorn, Wałda, Mikławšk (53. L. Heidorn), Rachela (58. Woko), Gloxyn, Šewc, Šnajder, Bejma (71. Bejmak), Hicka (76. Šiman)
Prěni raz w sezonje doma přěhrali
SJ Chrósćicy –
HZ Łaz /Běły Chołmc 1:2 (1:0)
Zestawa domjacych: Škoda – L. Zahrodnik, M. Zahrodnik, Mark, Wornar, Graf (80. Mi. Zahrodnik), Hawš, Handrik, Bogusz (46. Bjeńš), Matik (62. Rätze), G. Zahrodnik
Njedźelu witachu Chróšćenjo hrajne zjednoćenstwo Łaz/Běły Chołmc při rjanym nalětnim wjedrje na domjacy trawnik. Konstelacija do hry bě jasna. Domjacy chcychu na kóždy pad přećiwo poslednjemu tabulki dypkować. Tola wosebje mustwa z delnjeje połojcy tabulki Chróšćanam stajnje ćežko činja.
Hosćićeljo wot spočatka sem partiju kontrolowachu a bul derje w swojich rjadach dźeržachu. Hač krótko před šěsnatku so husto hdy derje přesadźichu. Tola zwjetša njenamakachu přećiwo hłuboko stejacemu škitej puć k wrotam. Tuž so hra mjez šěsnatkomaj wotmě a wobaj cyłkaj sej mało šansow wuhraštej. Krótko do połčasa domjacy cyłk skónčnje wyskaše. Po rjanej flance Clemensa Handrika z praweho křidła hłójčkowaše Gabriel Zahrodnik kulowatu kožu k 1:0 w 36. min. do wrotow.
Mnohostronske koparske lěhwo serbskeho dorosta z turněrom skónčene
Třidnjowski koparski camp w Ralbicach, kotryž je Serbske šulske towarstwo (SŠT) organizowało, je so pjatk popołdnju z internym turněrom zakónčił. Po tym zo bě so wosebite treningowe lěhwo za młodych serbskich koparjow a koparki jako wuspěšny wopokazało, přewjedźechu jón lětsa druhi raz. Na nim wobdźěli so 40 dźěći ze starobneju klasow D a E, to je wosom dźěći wjace hač loni. Trenar dorostoweje wubranki starobneje skupiny D Tadej Cyž a zamołwići jednotliwych sportowych towarstwow běchu jich nominowali. Zamołwitosć organizowanja campa přewza wospjet sobudźěłaćerka SŠT za swójbne kubłanje Michaela Rabowa zhromadnje z Tadejom Cyžom.
Widźał,słyšał, napisał (28.04.25)
Awtor dźensa
Andre Strelow
Liverpool swjeći jendźelske mišterstwo, nimale postup w Drježdźanach a wjele stresa w Španiskej – kónc tydźenja bě zaso połny sportowych a emocionalnych wjerškow. FC Liverpool zdoby sej swój 20. mišterski titul a je nětko zhromadnje z Manchester United najwuspěšniše koparske mustwo kraja. Po wuspěchu 5:1 přećiwo Tottenhamej Hotspur knježeše w Anfield Road ryzy ekstaza. Trenar Arne Slot, kiž ani hišće lěto w zastojnstwje njeje, dowjedźe swojich chowancow njewočakowano k titulej, tež dźakowano wot Jürgena Kloppa wutworjenym strukturam. Fanojo přijachu team hižo do hry z hoberskej party, kotraž so w stadionje pokročowaše. Po zažnym zastatku 0:1 FC Liverpool hru spěšnje zwjertny. Mohamed Salah swoju sylnu sezonu z wrotami krónowaše a to hnydom na trawniku z fanami woswjeći. Titul je tež wuslědk dźěła Jürgena Kloppa, kotryž bě młode talenty a nowopřichady kaž Szoboszlaia a Mac Allistera do mustwa integrował. Slot pak je tutón fundament perfekcioněrował, z tym zo mustwo taktisce hišće wariabelniše sčini.
Sport (25.04.25)
Derby we Wulkej Dubrawje
W stafli II wokrjesneje ligi steji jutře wulki derby mjez sportowymaj towarstwomaj z Wulkeje Dubrawy a Radworja na hrajnym planje. Stajnje dwě hrě přewjedźetej so njedźelu w Ralbicach a w Chrósćicach.
26.04. 15:00 Rakečanske ST –
FV Ottendorf-Okrilla
26.04. 15:00 ST Wulka Dubrawa –
ST Radwor
27.04. 14:00 ST Marijina hwězda –
TSV Wjernarjecy
27.04. 12:30 HZ Ralbicy/Pančicy II –
ST Njeswačidło
27.04. 15:00 Sokoł Ralbicy/Hórki –
SC 1911 Großröhrsdorf
27.04. 12:30 SJ Chrósćicy II –
Hlinowski SK 1931
27.04. 15:00 SJ Chrósćicy –
HZ Łaz/Běły Chołmc
27.04. 15:00 SJ Njebjelčicy –
ST Běła/Cunnersdorf
Štwórtk pokalnej hrě
Koparski kwartet z wokrjesneje wyšeje ligi wuhraje štwórtk semifinali wo zaćah do finala wo wokrjesny pokal.
01.05. 15:00 SJ Chrósćicy –
Póst Germ. Budyšin II
01.05. 17:45 ST Nat. Němske Pazlicy –
Rakečanske ST
Kćenjowe běhi a kolesowanje
