ST Kinspork/Łužnica – SJ Njebjelčicy 4:0 (1:0)
zestawa hosći: Weclich – Hanuza, Hrjehor, Lehmann (22. Zarjeńk), Wjerš (83. Reineke), Marticke, Rudolf, Wjacławk (43. R. Čornak), Plaettner (80. T. Čornak), Statnik, Krawčik
Róžk, hłójčkowany bul, wrota – to bě za čerwjene košle minjenu sobotu w Kinsporku wulki problem. Hnydom troje wrota docpěchu domjacy koparjo po samsnym wašnju.
Pokalna hra we wosmifinalu bě na spočatku wurunana. Wobě mustwje so najprjedy raz „wobčuchaštej“. Ofensiwneho bě so na woběmaj bokomaj jenož mało stało. Hosćićeljo drje tam a sem ze swojimi spěšnymi wonkownymi hrajerjemi nadběhowachu, hosćo pak so solidnje zakitowachu. Prěnje wrota 1:0 (43.) padnychu krótko do połčasa. Tute běchu tež zasłužene.





