Drježdźany (SN/bn). Na posedźenju Sakskeje Rady za serbske naležnosće minjeny pjatk su čłonojo gremija cyłkownje štyri dnjowe dypki wobjednali.

Manfreda Hermaša (CDU) wuzwolichu za noweho městopředsydu. Naslědnik Hubertusa Ryćerja, kiž běše zastojnswo strowotniskich přičin dla złožił a radu wopušćił, je nětko Chróšćanski wjesnjanosta Marko Kliman (CDU). Wón zastupuje serbske komuny.