Na kickerowy turněr
Wotrowska młodźina přewjedźe jutře na Wotrowskej starej šuli zaso swój kickerowy turněr, na kotrymž smě so maksimalnje 63 dwójkow wobdźělić. Wot 14 hodź. smědźa so mustwa zahrać, nastup je za napoł štyrjoch planowany a hrate budźe wot štyrjoch. Z mytowanjom dobyćerjow liča zamołwići krótko do połnocy. Na hrajerja hromadźa wosom eurow startoweho pjenjeza.
Enduro-wubědźowanje
W Gottschdorfje mjez Neukirchom a Sepicami změja jutře wot 9 hodź. tak mjenowane dwuhodźinske enduro-wurisanje. Wubědźować budu so tam hač do popołdnja napoł pjećich hobbyjowi motocrossowi piloća na swojich kwadach a solomašinach. Na startowanskej lisćinje zapisany je mjez druhim tež Kulowski pjekarski mišter Matijas Kupka.
Liški so rozžohnuja
Łužiske lodohokejowe liški zakónča sezonu ze swojimi přiwisnikami do lětnjeje přestawki. Kołowokoło liščeje jamy swjeća dźensa hač do 20 hodź. kónc sezony. Jutře, sobotu, smědźa sej zajimcy potom wot 11.30 do 15 hodź. bički, rukajcy, nahłowniki kaž tež wšelake trikoty Liškow kupić.
Hwězdźički-micki hišće raz hraja