Tabulka wobwodneje ligi wuchodneje Sakskeje, stafla 2
1. ST Kupoj-Nowa Łuka 1 3 :0 3
2. VV Žitawa 09 II 1 3 :0 3
3. TSV Kundraćicy 1 3 :1 3
4. HZ Pančicy-Worklecy 2 4 :3 3
5. Módro-běłe Wojerecy 1 0 :3 0
6. Viktoria Worklecy 2 0 :6 0
Po pokalnym kole su so wolejbulistki Hrajneho zjednoćenstwa Pančicy-Worklecy na dypkowe hry wjeselili, dwójce hrali a so nětko hižo zaso do dlěšeje přestawki podali. Přiwšěm pak bě zazběh do noweje hrajneje doby přećiwo młodym hrajerkam z Wojerec a nazhonitym wolejbulistkam z Kundraćic dosć dobry. Tež tohodla, dokelž stejachu domjacemu cyłkej we Worklecach dohromady třinaće hrajerkow k dispoziciji.
Za Hrajne zjednoćenstwo Pančicy-Worklecy zasadźeni běchu: Julia Brězanowa, Johanna Fieglerec, Anne Juršowa, Marina Köhlerowa, Stefanie Köhlerowa, Christin Opicec, Constanze Pašcyna, Lydija Pešmanowa, Rejzka Rawšec, Anita Salowskec, Anja Šmitowa, Tereza Wićazowa a Rejzka Wjeńcyna; trenar Stephan Mühl
HZ Pančicy-Worklecy – Módro-běłe Wojerecy 3:0 (25:4, 25:18, 25:23)