Intendant chce wakantne městno z hóstnymi dramaturgami narunać

Budyšin (SN/MG). Němsko-Serbske ludowe dźiwadło w přichodnej hrajnej dobje kruće přistajenu dramaturgowku abo přistajeneho dramaturga za serbske dźiwadło njezměje. W rozmołwje z našim wječornikom intendant Lutz Hillmann wobkrući, zo zaruča „produkcije slědowaceje hrajneje doby z hóstnymi dramaturgijemi.“ Přewzać maja tute ludźo, kiž serbšćinu jako maćernu rěč wobknježa. Přiwšěm pak njejsu znowa w Budyskim dźiwadle kopicu městnow wobsadźili. Intendantej pak je so poradźiło, serbsku dźiwadłowu pedagogowku namakać. Tež tute městno bě hižo dlěši čas wakantne. Namakał je ju w serbskej šuli za pedagogowki a pedagogow w Budyšinje. „Tu w domje pak dźěłaja wšitcy tež za serbske dźiwadło, wo to so postaram“, Hilmann doda. Za njeho woznamjenja to tež, zo njeje jednotliwe njewobsadźene městno hnydom zwrěšćenje cyłeho dźiwadła.