Premjera při wuwoznym mosće F60
Z hudźbu a literaturu na 80. róčnicu zakónčenja wójny spominali
W cyrkwi Marije a Marty w Budyšinje wotmě so tydźenja koncert składnostnje 80. róčnicy kónca Druheje swětoweje wójny. Ze swojim programom „Zo njech dobra Němska kćěje ...“ prezentowaše dujerski kwintet Opus 45 zhromadnje z w Budyšinje rodźenym dźiwadźelnikom Romanom Knižku hnujacu hudźbnu hommage na stawizny, kotraž drje mnohim připosłucharjam hišće dołho w pomjatku wostanje.
W srjedźišću zhromadneho projekta třoch Budyskich gymnazijow – Friedricha-Schilleroweho, Philippa Melanchthonoweho a serbskeho gymnazija – steješe hesło „Dopominanje, napominanje a nadźija“. Před 650 šulerkami a šulerjemi Opus 45 skutkownje pokaza, kak zamóže hudźba dopomnjenki zachować a mosty mjez zašłosću a přitomnosću twarić. Wobsahowe ćežišćo koncerta bě kónc wójny w Budyšinje, štož so w tekstach nazornje tematizowaše. Roman Knižka čitaše z wulkej intensitu z dźenikow, listow a rozprawow časowych swědkow wo poslednich wójnskich dnjach w swojim ródnym měsće Budyšinje, z čimž spožči programej přidatnu emocionalnu a rozswětlowacu dimensiju.
Wažnosć literarneho přełožowanja
Literarne přełožowanje je za kóždu narodnu literaturu wažny wobstatk. Njeńdźe jenož wo to, ludźom tekst spřistupnić, kiž je snano w jim njezrozumliwej rěči napisany. Dźe wo wosebite wašnje literarneho tworjenja, kiž so intensiwnje z wěstym tekstom zaběra. Dźe wo rozwiće swójskeje kultury a rěče, wo zapřijeće šěršeho horiconta do swójskeho małeho swěta. Nic podarmo rěka přełožowar w jendźelskej rěči interpreter.
Wuslědk wuměny wuměłstwa
Wužadanje, zetkawanje a dopóznaće
W mytowanej seriji „Against All Gods“ reprezentuje Glorija Lanzyna katolske křesćanstwo
Šěsć dźělow wopřijaca reportaža „Against All Gods – WG wěry“ je njedawno Němske telewizijne myto w kategoriji „najlěpši infotainment“ dobyła. Produkcija sćelaka ZDF je loni šěroki publikum zahoriła. Nazymu ma dalša stafla slědować. Lisa-Maria Cyžec je so z Gloriju Lanzynej, kotraž tam katolske křesćanstwo reprezentuje, wo wěrje, wosobinskich wužadanjach a nazhonjenjach rozmołwjała.
Kak napjate bě, nimale tydźeń z ludźimi druhich nabožinow bydlić?
Sezonu naročnje zahajili
Budyšin (CRM/SN). Jean Kurt Forest, Jan Rawp, Alexander Zemlinsky a Dimitrij Šostakowič – štyri mjena raz mjenje, raz bóle znatych komponistow jewjachu so minjenu njedźelu w programje 1. sinfoniskeho koncerta Serbskeho ludoweho ansambla tuteje sezony. Orchester domu, nětko pod mjenom Serbska komorna filharmonija wustupujo, nawjedowaše agilna šefdirigentka Katharina Dickopf. Spěwna solistka běše renoměrowana sopranistka Romy Petrick.
Słónco a měsačk – Johann Schadowitz a jeho rapak
Wuměłstwo, rjemjesło a kreatiwita zwjazuja wobdźělnikow 19. mjezynarodneje rězbarskeje dźěłarnički w Miłočanskej skale. Dwě njedźeli je dźewjeć wuměłcow z cyłeho swěta w kreatiwnej zhromadnosći dźěłało. Su swoje ideje do drjewa a wšelakich družin kamjenja přeměnili a cyle rozdźělne skulptury zhotowili.
Miłoćicy (lcm/SN). Hižo šesty raz je so čěski rězbar Robert Alger na mjezynarodnej rězbarskej dźěłarničce w Miłočanskej skale wobdźělił. Lětsa wěnuje so wón zornowcowej skulpturje, kotraž nosy titul „Słónco a měsačk – Johann Schadowitz a jeho rapak“. Ze swojim dźěłom chce Alger realnu figuru Johanna von Schadowitza počesćić, kotraž je hač do dźensnišeho wusko z Łužicu zwjazana. Poprawom znata powěsć wo Krabaće mnohich do raja bajkow wjedźe – Čecha pak chce Schadowitza w pozitiwnym, realnym swětle pokazać. Mjenujcy jako wosobinu, kotraž tež zwonka mytow wuznamnje skutkowaše. Tohodla njepředstaja jeho jako starca, ale muža srěnjeje staroby: nazhonity, skerje prašejo a wobkedźbujo.
Zarjadowarjo folklornych festiwalow Němskeje so zešli
Heppenheim (SN). Lětnu hłownu zhromadźiznu němskeje wotnožki organizacije zarjadowarjow mjezynarodnych folklornych festiwalow CIOFF su minjeny kónc tydźenja w Heppenheimje na juhu Hessenskeje přewjedli. CIOFF (Mjezynarodna rada organizacijow za folklorne festiwale a ludowe wuměłstwo) zasadźuje so za zachowanje a spěchowanje imaterielneho kulturneho herbstwa z pomocu mjezynarodnych folklornych festiwalow.
Lětušu zhromadźiznu charakterizowaše personelny přewrót: Wjelelětny předsyda Norbert Müller hižo k wólbam njenastupi. Za noweho předsydu wuzwolichu zastupjerjo Klausa Hohmeiera, kotryž zastojnstwo za přichodne štyri lět přewza. Marka Kowarja su jako přisydnika w předsydstwje wobkrućili.
Klasikar swětoweje literatury w hornjoserbšćinje
Budyšin (SN/bn). „Móžeš so jeno dźiwać, kak aktualna tale fabula nadal je“, zahaji wudawaćelka Lubina Hajduk-Veljkovićowa wčerawšu knižnu premjeru serbskeho přełožka klasikarja Georgea Orwella „Animal farm abo hotowe swinstwo“ w połnje wobsadźenej Smolerjec kniharni. Do poprawneho předstajenja publikacije, wušłeje w Lipšćanskim nakładnistwje Veles, gratulowaše wona přepodawši kwěćel nawjednicy předawanišća Annett Šołćic, kotraž mjeztym „40 lět literaturu posrědkuje“. Dale dźakowaše so Martinej Holanskemu za zeserbšćenje fabule a Isy Bryccynej za wuhotowanje, wuměłči Siggiko za ilustracije, Boženje Braumanowej za lektorizowanje kaž tež Julianje Rehnolt za dosłowo noweje knihi. Nimo toho wuzběhny spěchowanje ze stron Załožby za serbski lud, kotremuž běchu so někotři čłonojo pjenjezy přizwolaceho gremija dosć wutrajnje spjećowali. Přiwšěm njeje wěsta njewola, kontrowersny, originalnje w lěće 1945 wozjewjeny roman wudawać resp. spřistupnjeć, nowa.
