Serbska debata: Generacija Ž – hinaše žiwjenje, hinaša lubosć?

Budyšin (lmc). Konopej město podija, čiła wuměna město dołhich monologow: Tak zahaji so wčera wječor na Budyskej Sukelnskej prěni wječork w lětušim rjedźe Serbskeje debaty. Přeprosyli běchu Sakska krajna centrala za politiske kubłanje zhromadnje ze Serbskimi Nowinami a Załožbu za serbski lud. Prěnja debata wěnowaše so temje „Generacija Ž – hinaše žiwjenje, hinaša lubosć?“ a bě mjenje klasiska podijowa diskusija, ale skerje rozmołwa z publikumom. Ju nawjedowachu Maximilian Gruber, Rahel Zelnak a Lukáš Novosad.