Na třećej Serbskej debaće w Chrósćicach čile a zmužiće diskutowali

Chrósćicy (SN/BŠe). Na třeću a poslednju lětušu Serbsku debatu pod hesłom „Žony doprědka – ale jenož za foto?“, kiž wotmě so wčera w Chróšćanskej Jednoće, bě sej moderator, direktor Załožby za serbski lud Jan Budar, štyri kompetentne žony přeprosył. Na podiju sedźachu fararka Slepjanskeje wosady Jadwiga Malinkowa, nawodnica Budyskeho regionalneho studija MDR Bogna Korjeńkowa, gmejnska radźićelka w Pančicach-Kukowje a samostatna twarska inženjerka Grit Hawšowa kaž tež jednaćelka Domowiny Judit Šołćina. Něhdźe 30 hosći w Chrósćicach a něhdźe 20 wužiwarjow livestreama je debatu sćěhowało.