Hamburg (dpa/SN). Po wčerawšim zakónčenju referenduma wo požadanju města za olympiske a paralympiske hry w lěće 2036, 2040 abo 2044 je jasne: Hamburgčenjo to nochcedźa. 54,9 procentow je přećiwo tomu hłosowało. Něhdźe połojca dohromady něhdźe 1,3 miliona wólbokmanych je swój wotum wotedała. Němskemu olympiskemu sportowemu zwjazku (DOSB) zbywaja z tym třo požadarjo wo wuhotowanje olympiskich hrow, mjenujcy Mnichow, Berlin a porynsko-poruhrski region.
Mamdani paradu bojkotował
New York (dpa/SN). Zohran Mamdani je jako prěni měšćanosta New Yorka kóždolětnu paradu Israela bojkotował a z tym tójšto kritiki zbudźił. US-ameriska metropola je domizna něhdźe miliona židowskich wobydlerjow, tworjo najwjetšu židowsku zhromadnosć zwonka Israela. „Sym hižo we wólbnym boju připowědźił, zo so na paradźe njewobdźělu. Mam swoje měnjenje wo israelskim knježerstwje“, wuzběhny Mamdani.
Wadephul apeluje na Israel
