30 000 ludźi přećiwo stronskemu zjězdej AfD w Erfurće demonstrowało
Erfurt (dpa/SN). Dźesaćitysacy ludźi su kónc tydźenja přećiwo zwjazkowemu zjězdej AfD w Erfurće protestowali. Policija wozjewi cyłkownu ličbu 31 000 wobdźělnikow na demonstraciskich přećahach a zarjadowanjach kaž tež sydanskich blokadach. Organizatorojo protestnych akcijow rěča wo dohromady 50 000 demonstrantach. Najebać wšitke protesty je AfD swój stronski zjězd sobotu dypkownje zahajiła.
