Berlin (dpa/SN). Koalicija knježerstwa je so na to dojednała, zwyšenje Baföga přesunyć. Po nowym dojednanju dóstanu studenća hakle wot klětušeho lěćneho semestra wjace pjenjez – nic, kaž planowane, wot lětušeho zymskeho semestra. W prěnim kroku zwyša pawšalu za by­dlenje wot 380 na 440 eurow wob měsac. Po tym chcedźa t. mj. zakładnu potrjebu Baföga krok po kroku na niwow zwjaz­koweho zakładneho zawěsćenja zwyšić. To je tuchwilu 563 eurow.

Burnham nowy britiski premier?

London (dpa/SN). Britiska strona Labour je něhdyšeho měšćanostu Manchestera Andyja Burnhama jako kandidata za předsydu strony schwaliła. Po wuzwolenju jako stronski předsyda ma Burnham tež zastojnstwo britiskeho premiermi­nistra přewzać. Keir Starmer běše zastojnstwo předsydy strony kaž tež premierministra srjedź junija špatnych wólbnych wuslědkow w komunalnych wólbach dla złožił.

Steinmeier přećahnył