Nowa wustajeńca
Budyšin. Přehladka z wuslědkami wuměłskich kursow młodźinskeho sociokulturneho centruma wotewru jutře w Budyskim Kamjentnym domje. Pod hesłom „MIX 15“ předstaja tam twórby něhdźe 30 ludźi, kotřiž zdźěla pod nawodom serbskich wuměłcow dźěłachu. Přehladka budźe hač do 17. januara na hornim poschodźe Kamjentneho domu přistupna.
Dźiwadło na wsy
Sulšecy. Po hižo wuspěšnymaj předstajenjomaj w Konjecach a Budyšinje su dźiwadźelnicy Němsko-Serbskeho ludoweho dźiwadła z nowej inscenaciju „Nic so smjeć!“ tež tónle kónc tydźenja zaso na jewišću. Tak dožiwiće komediju z pjera chorwatskeho awtora Mira Gavra w přełožku Lubiny Hajduk-Veljkovićoweje sobotu, 24. oktobra, w 19.30 hodź. w Sulšečanskim Kulturnym domje. Dźeń pozdźišo, njedźelu, w 17 hodź. rěka „Nic so smjeć!“ w Radworskim hosćencu „Meja“.
Štomy prawje wobrězować
Konjacy kónc tydźenja
Kamjenc. Cyle w znamjenju koni steji kónc tydźenja wot 23. oktobra do 25. oktobra w Kamjenskim jěchanskim klubje. Na tamnišej Grafec připrawje wotměja 20. halowy jěchanski a skakanski turněr. Hižo pjatk wot popołdnja w štyrjoch přewjedu dresurowej pruwowani klasy E kaž tež skakanskej wubědźowani klasy E. Sobotu wot 8 hodź. a njedźelu wot 8.30 hodź. čakaja na zajimcow na arealu při Njeswačanskej dróze wjacore dresurowe a skakanske wubědźowanja w klasach E do M kaž tež wurisanja wo myta.
Kak sej klanki sam zhotowješ
Slepo. Na dźěłarničku k zhotowjenju klankow po přikładźe serbskich powěsćowych figurow přeproša Serbski kulturny centrum w Slepom. Jutře, srjedu, 21. oktobra, wot 10 do 16 hodź. chce wšěm zajimcam, staršim kaž tež młodym klankotwarcam, designerka Regina Herrmann pokazać, kak tole z kwadratiskeho krucha płatu lochce sam zdokonješ. Z pomocu parličkow, jehličkow dalšich kóncow płatu abo kneflow móžeš sej swoju klanku po słodźe hišće dale porjeńšić. Za material měli sej dźěći 2,50 a starši pjeć eurow do kapsy tyknyć.
Socialne poradźowanje
Wojerecy. Socialne poradźowanje, předewšěm za přijimarjow Hartza IV, poskića wokrjesny radźićel Lěwicy Ralph Büchner zhromadnje z prawiznikom Gregorom Janikom zaso pjatk, 23. oktobra, wot 15 do 17 hodź. we wobydlerskim běrowje Lěwicy na Bonhoefferowej 4 we Wojerecach. Zajimcy njech so do toho telefonisce pod 03578 / 787 339 přizjewja.
Kermuška młodźiny
Raduš (SN). Wosebita wustajeńca „Silberrausch und Berggeschrey – Archäologie des mittelalterlichen Bergbaus in Sachsen und Böhmen“ na Radušanskim słowjanskim hrodźišću je chětro wuspěšna. To zdźěla towarstwo Słowjanske hrodźišćo Raduš. W meji wotewrjena přehladka pokazuje mnohe originalne, předewšěm drjewjane namakanki, pochadźace ze srjedźowěkowskich podkopkow pola Dippoldiswaldy a Niederpöbela w Rudnych horinach. Nětko, w nazymskich prózdninach, kotrež budu wot póndźele tež w Braniborskej, wočakuja tam 30 000. wopytowarja.
„Jara wuspěšna je wustajeńca awdioguida dla, hdźež namakanki z mnohimi filmami a animacijemi rozłožeja“, wujasnja Anja Bodschwinna, „přehladka so tuž za swójby z dźěćimi derje hodźi.“ Hač do kónca měsaca hišće je prezentacija wšědnje wot 10 do 18 hodź. přistupna.
Dalše nazymske koncerty
Budyšin. Po prěnimaj nazymskimaj koncertomaj minjeny kónc tydźenja slěduja zajutřišim hnydom tři dalše. Na žurli Chróšćanskeho Krawčikec hosćenca wustupi w 15.30 hodź. Ćišćanska rejwanska skupina. Hižo wot 14.30 hodź. porjedźeja tam kofej a tykanc. Wjesne towarstwo Domizna wšitkich zajimcow přeproša. W samsnym času wuhotuje chór Lilija w Njebjelčanskej „Bjesadźe“ koncert. Tež tam su hosćo wot 14.30 hodź. na kofej a tykanc witani. A w cyrkwi Paula Gerhardta w delnjołužiskim Lubinje zaspěwaja w 16 hodź. delnjoserbske chóry. Njedźelu, 25. oktobra, wotměja so nazymske koncerty w Ćisku, w Turjeju a we Worklecach.
Informuja wo kmótřistwje
Pjatk 16.10. 19:00 Zetkanje Krupčanskich putnikow na Chróšćanskej farje
Sobotu 17.10. 16:00 Spožčenje Myta Ćišinskeho Manfredej Ladušej w Pančicach-Kukowje
17:00 Koncert chóra Serbskeho ludoweho ansambla z hudźbu romantiki a pózdnjeje romantiki w Biskopicach w awli šule na Cyrkwinskej
17:00 Informaciske zarjadowanje wo azylowym kmótřistwje w Budyskim Kamjentnym domje
19:30 Hornjoserbska premjera inscenacije NSLDź „Nic so smjeć“ w Dźiwadle na hrodźe
19:30 Koncert komorneje hudźby Jura Mětška w Budyskim Serbskim muzeju
Njedźelu 18.10. 10:00 Kermuša z přehladku jabłukowych a krušwowych družin w Slepjanskim Serbskim kulturnym centrumje
14:30 Nazymski koncert z chórom Lilija w Njebjelčanskej „Bjesadźe“
14:30 Nazymski koncert Ćišćan rejwanskeje skupiny na žurli Chróšćanskeho Krawčikec hosćenca
15:00 Wotewrjenje fotoweje wustajeńcy Jürgena Maćija „Změna krajiny“ w Dešnjanskim domizniskim muzeju
16:00 Nazymski koncert delnjoserbskich chórow w Lubinskej cyrkwi
17:00 Předstajenje NSLDź „Nic so smjeć“ na žurli Konječanskeho towarstwoweho domu Delany
Njedźelu hornjoserbsce
11:00 Łužica tónle tydźeń, mjez druhim wo premjerje NSLDź
11:20 Poslednje napinanja wopłóčkow dla
11:45 Spožčenje Myta Ćišinskeho Manfredej Ladušej
12:00 Nabožne wusyłanje
(Jan Malink)
po tym Zbožopřeća
delnjoserbsce
12:30 Aktualny magacin, mjez druhim wo Choćebuskim filmowym festiwalu
13:00 Před 170 lětami prěni serbski spěwny swjedźeń był
13:30 Nabožne wusyłanje
(Helmut Hupac)
13:40 Zbožopřeća
15.10.–21.10.2015: Er ist wieder da: wšědnje 17:15 hodź. (nimo srj) a 19:30 hodź. (nimo srj) | srj 16 a 22:15 hodź. | pj a so 22:15 hodź. pj a so 22:30 hodź. The Last Witch Hunter: srj 20:15 hodź. Macho Man: za žony srj 19:45 hodź. Zurück in die Zukunft – Special: srj 18:30 hodź. Fack ju Göhte 2: wšědnje 14:45 hodź. (nimo srj), 17 hodź. (nimo pó) a 19:45 hodź. (nimo srj) | so a nj 22:30 hodź. Alles steht Kopf: wšědnje 14:30 a 19:45 hodź. (nimo pó) | wu 12:15 hodź. | pj 22 hodź. Alles steht Kopf w 3 D: wšědnje 14:15 a 16:30 hodź. | wu 12:15 hodź. Hotel Transsilvanien 2: wšědnje 14:30 hodź. | wu 12:45 hodź. Der kleine Rabe Socke 2: wu 9:30, 9:45 a 10 hodź. Hotel Transsilvanien 2 w 3 D: wšědnje 17 a 18:45 hodź. Der Marsianer: so 22 hodź. Der Marsianer w 3 D: wšědnje 20:45 hodź. Minions w 3 D:
Kino-ekstra: Taxi Teheran: pó 17:15 a 20:15 hodź.
Kak štomy prawje hladać?
Njebjelčicy. Lipšćanski institut za štomowu diagnostiku Panitzsch přewjedźe 26. a 27. oktobra, stajnje wot 8 do 15.30 hodź., wukubłanje za hladanje młodych štomikow a za wobrězanje štomow. Nadrobniše informacije wo wobsahu jednotliwych wučbnych hodźin dóstanu zajimcy w zarjadniskim zwjazku Při Klóšterskej wodźe kaž tež w Njebjelčanskim gmejnskim zarjadnistwje. Kaž wjesnjanosta Tomaš Čornak (CDU) informuje, budu wobdźělnicy štomiki w Njebjelčanskej a w Pančičansko-Kukowskej gmejnje wobrězować. Wobdźělenje na seminarje płaći wob dźeń 20 eurow, štož je za tajkele kubłanje jara přijomna płaćizna.
Ze zapósłancom so rozmołwjeć
Wojerecy. Akademija seniorow Křesćansko-socialneho kubłanskeho skutka wita jutře, štwórtk, w 10 hodź. na rozmołwu ze zapósłancom Sakskeho krajneho sejma Frankom Hirchu (CDU) wo aktualnych temach swobodneho stata. Zarjadowanje wotměje so na Wojerowskej dźěćacej a młodźinskej farmje. Přizjewjenja su móžne pod telefonowym čisłom 03571/ 426 339.