Kritizuja zakonje wo brónjach

póndźela, 20. nowembera 2017
artikl hódnoćić
(0 )

Washington/Genf (B/SN). Při jednym z najhrózbnišich nadpadow na kemšerjow je njedawno w baptistiskej cyrkwi texaskeho Sutherland Springs 26 ludźi zahinyło a dalšich 30 so zraniło. Cyrkej tónle njeskutk jara wobžaruje, zdobom pak žada sej restriktiwniše zakonje wo brónjach. Předsyda romsko-katolskeje biskopskeje konferency, kardinal Daniel DiNardo, rěčeše wo „fundamentalnym problemje“ towaršnosće w USA. „Kultura žiwjenja“ měła bjezzmyslnej namocy we wšěch formach zadźěwać. Hižo bywši ameriski prezident Barack Obama je prajił: Bóh njech pomha namóc w našej srjedźiznje přewinyć.

Cyrkej w kritice

wozjewjene w: Cyrkej a swět
Prošu přizjewće so, chceće-li komentar podać

nawěšk

nowostki LND