Nowe mustwo FC Energije Choćebuz nětko chětro womłodźene

wutora, 21. julija 2020
artikl hódnoćić
(0 )
 Sebastian König, sportowy direktor FC Energije Choćebuz  Foto:  Georg Zielonkowski  Sebastian König, sportowy direktor FC Energije Choćebuz Foto: Georg Zielonkowski

Po wotchadźe rutinjejow Roberta Mülle­ra (33) a Dimitara Rangelowa (37) započnje so nowy start prěnjeho koparskeho mustwa FC Energije Choćebuz z jasnje womłodźenej wobsadku. Ze spor­towym direktorom Sebastianom Königom je so Georg Zielonkowski rozmołwjał.

Hdyž přiběži mustwo na trening na sportnišćo, móžeš sej myslić, zo znaješ jenož hišće­ połojcu hrajerjow. Maće tójšto nowych a wosebje młodych mjezwočow.

S. König: Na haj, cyle tak to nětko tež zaso njeje. Nimo Nilsa Stettina a Patricka Storba smy tójšto młodych hrajerjow z našich rjadow do treninga wzali. Nětko 21lětny Mathis Lange je něhdyši hrajer dorosta FC Energije. Pola njeho chcemy hladać, kak so to wšo wuwije. Lange bě so mjenujcy w Burghausenje zranił. Z młodźiny A trenujetaj z prěnim mustwom Jeremy Postelt a Elias Bethke. Kelvin­ Lunga je potajkim jenički, kiž je dospołnje njeznaty. Wón je dotal pola Fortuny Köln hrał a chce so pola nas jako nadběhowar z probowym treningom za zrěčenje poručić.

wozjewjene w: Sport
Prošu přizjewće so, chceće-li komentar podać

Serbska debata

nowostki LND