Kulturny kónc tydźenja

Kulow. Wot dźensnišeho do njedźele prezentuje „United Clubs for Kulow“ naj­prje­dy posledni kulturny kónc tydźenja. Hodźace so k 30lětnemu jubilejej němskeje jednoty pokazaja na dworje stareho dźěćaceho domu wustawa Jakubetz dźensa w 20.30 hodź. film „Der Ballon“. Jutře zaklin­či wot 20 hodź. live-hudźba a změja tam domjacy tykanc. Njedźelu wot 17 hodź. poskića dźěćace kino a potom sej zhromadnje „Tatort“ wobhladaja. Zachod na ležownosć je z dwora Kulowskeje piwarnje. Organizatorojo proša wo přizjewjenje pod 01 78 / 1 81 94 14.

Wosebite wodźenje

Wojerecy. We Wojerowskim zwěrjencu přeprošuja jutře wot 8 hodź. na wose­bite wodźenje. Coologiska pedagogow­ka Silke­ Kühn chce zajimcam wuswětlić, što so w zwěrjencu stawa, hdyž su jón wopytowarjo wopušćili.

Smochčanske jewišćo

Smochćicy. Młody a po cyłym swěće wuspěšny Amaryllisowy smyčkowy kwartet je jutře w 19.30 hodź. šesty króć za sobu z hosćom w Smochčanskej cyrkwi­ swj. Bena. Na koncerće we wo­błuku Smochčanskeho jewišća zaklinča twórby Felixa Mendelssohna Bartholdyja a Wolfganga Rihma.

Pućowanje do srjedźowěka