W štyrjoch lětdźesatkach tójšto zdokonjeli

wutora, 04. meje 2021
artikl hódnoćić
(0 )
„Chróšćanske klěšće“ w pokalnej hrě sezony 2017/2018 w sakskim pokalnym kole tworještaj před štyrjomi lětami Fabian Pöpel (nalěwo, Chrósćicy) a Simon Žur (ležo, Chrósćicy). Hru w třećim pokalnym kole, kotraž skónči so 5:0 za hosći, dožiwi tehdom něhdźe 800 přihladowarjow. „Chróšćanske klěšće“ w pokalnej hrě sezony 2017/2018 w sakskim pokalnym kole tworještaj před štyrjomi lětami Fabian Pöpel (nalěwo, Chrósćicy) a Simon Žur (ležo, Chrósćicy). Hru w třećim pokalnym kole, kotraž skónči so 5:0 za hosći, dožiwi tehdom něhdźe 800 přihladowarjow.

Sportowa jednotka Chrósćicy 1981 z. t. swjeći 40. róčnicu wobstaća

4. meje 1981, potajkim dokładnje dźensa před 40 lětami, je Chróšćanska wjesna młodźina Sportowu jednotku Chrósćicy (SJC) załožiła. Poprawom wšak mamy rjec, znowa załožiła, dokelž běchu w serb­skej wsy hižo před dobrym lětstotkom sport hajili, tak wot lěta 1924 ćěłozwučowanje w Sokołskej jednotce. Prěnje koparske towar­stwo załožichu tam 1931 pod mjenom „Segelflugverein“. Tehdy hrajachu na pěskojtych polach pod Šibjeńcu a na łukach při Satkuli.

1934 dowolichu Chróšćanam, małe sportnišćo při šuli natwarić. Tam hrajachu domjacy tři lěta pod mjenom DJK (Deutsche Jugendkraft) hač do zakaza 1937 přez nacionalsocialistow. Nowo­započatk po Druhej swětowej wójnje bě ćežki. Krok po kroku pak je dale šło, tež w Chrósćicach, byrnjež sportowanje po­li­tiskich a towaršnostnych podawkow dla přeco zaso přetorhnjene było – w sportowej chronice SJC su jednotliwe wotrězki nadrobnje wopisane.

K štyrcetej róčnicy załoženja

wozjewjene w: Sport

Galerija

dalši wobraz (1) Wuspěšnej serbskej běharce Sportoweje jednotki Chrósćicy Klawdija Hejdušcyna a Marija Škodźina (wotlěwa)
dalši wobraz (2) Tež něhdyši profijowy kopar Dynama Drježdźany Robert Koch (naprawo, w barbach FSV Zwickau) je hižo w Chrósćicach hrał, hdźež dyrbješe so mjez druhim z Mattijom Bětnarjom rozestajeć.
dalši wobraz (3) Tež Chróšćanski sportowy kompleks bě w lěće 2012 jedne z hrajnišćow europeady 2012. Serbska koparska wubranka muži porazy tam 19. junija 2012 mjeńšinowu wubranku z Estiskeje z 8:0. Jörg Stephan
Prošu přizjewće so, chceće-li komentar podać

Serbska debata

nowostki LND