Widźał,słyšał, napisał (09.08.21)

póndźela, 09. awgusta 2021
artikl hódnoćić
(0 )
Awtor dźensa Tadej Cyž

Olympiske hry w Tokiju su nimo, wone pak wostanu nam na najwšelakoriše wašnje w pomjatku. Tež hdyž běchu ­wubědźowanja za nas w njepřijomnym času, dožiwichu fanojo sporta napjate, wotměnjawe a zdźěla dramatiske rozsudy w cyłkownje 33 sportowych družinach. Olympiske hry, poprawom za loni planowane a pandemije dla wo lěto přesunjene, pak sportowu swójbu dźěla. Přewulki je zdźěla rozdźěl mjez profijowym a wólnočasnym sportom. Distanca mjez přihladowarjemi a atletami je njewotwisnje wot korony wulka. Tón abo tamny so tuž praša, hač ma to wšitko docyła hišće zmysł. Korupcija w jednotliwych narodnych zwjazkach, problem dopinga a mnohe dalše njedostatki to wězo potwjerdźeja. Snano pak so, kaž je to často tak, negatiwne zaćišće a fakty bóle do srjedźišća stajeja hač pozitiwne. Tak njech wostanu nam radšo zwjeselace dožiwjenja a wurjadne wuslědki lětušich olympiskich hrow w pomjatku.

wozjewjene w: Sport
Prošu přizjewće so, chceće-li komentar podać

Serbska debata

nowostki LND