Łužiske lodohokejowe liški –
Herner EV 6:3 (0:1, 2:2, 4:0)
W druhej přihotowanskej hrě, prěnju přećiwo Lodowym mjedwjedźam Berlin běchu z 1:0 přěhrali, započa druhi lodohokejowy ligist Łužiske liški z Nilsom Velmom we wrotach a z Janom Bednářom, kiž je swoju prěnju hru za Běłowodźanow wotměł. Zranjenja dla njejstaj Lars Reuß a Clarke Breitkreuz sobu hrałoj. Za to móžachu trenarjo Jamesa Thomasa Hatzepetrosa jako proboweho hrajerja zasadźić. Wón přichodne dny w Běłej Wodźe sobu trenuje a někotre testowe partije absolwuje. Cyle hinak wupadaše to pola přećiwniskeho mustwa Herner EV, kotrež je mjenujcy połnoličbnje bjez wupadow nastupiło.