×

Powěsć

Failed loading XML...

Skónčnje zaso tři dypki žnjeli

póndźela, 20. septembera 2021
artikl hódnoćić
(0 )
Jonas Zynda (nal., Chrósćicy) bu w Ćisku dwaceći minutow do kónca zaměnjeny, zo by dobyće za mustwo SJ Chrósćicy sobu zawěsćił.  Foto: Werner Müller Jonas Zynda (nal., Chrósćicy) bu w Ćisku dwaceći minutow do kónca zaměnjeny, zo by dobyće za mustwo SJ Chrósćicy sobu zawěsćił. Foto: Werner Müller

ST Ćisk – SJ Chrósćicy 1:4 (0:1)

Zestawa hosći: Králíček – L. Zahrodnik, M. Zahrodnik, Sentivan, F. Zahrodnik, Wornar (62. Mützner), Runt, G. Zahrodnik, Matješk (85. Mark), Krawc (70. Zynda), Bogusz

Sobotu podachu so Chróšćanscy koparjo do Ćiska. Po dwěmaj poražkomaj chcychu chowancy Pavela Runta skónčnje zaso raz tři dypki žnjeć. Domjacy so wot spočatka hry hłuboko do swójskeje połojcy stupichu. Tak mějachu hosćo mnoho rumow w srjedźnym polu, kotrež su wužiwali a spěšnych nadběhowarjow zasadźili. W 17. min. so Pawoł Krawc na lěwym křidle derje přesadźi a chcyše poprawom Jana Bogusza w šěsnatce posłužić. Tola zakitowar bě před nim a suny bul k 0:1 do hóstnych wrotow. Chróšćenjo dale dominowachu a na dalše wrota tłóčachu. Přeco zaso móžachu so Krawc, Bogusz a Franc Matješk přesadźić, nje­běchu pak zmužići dosć swoje móžnosće doskónčnje k wrotam přetworić. Domjacy běchu stajnje po zmylkach hosći w srjedźnym polu strašni, ale njemóžachu sej žane jasne šansy nadźěłać. Na tamnej stronje móhli Chróšćenjo rezultat hišće w prěnim połčasu zwyšić, stajnje pak móžachu domjacy tomu w poslednim wokomiku hišće zadźěwać.

wozjewjene w: Sport
Prošu přizjewće so, chceće-li komentar podać

nawěšk

nowostki LND