Jasnje lěpši byli,přiwšěm přěhrali

wutora, 22. februara 2022
artikl hódnoćić
(0 )
Kanadźan Hunter Garlent (nalěwo, Běła Woda) bě wčera wječor při poražce 3:4 (0:0, 2:1, 1:2 - 0:0) po třělenju penaltyjow přećiwo cyłkej EC Kassel Huskies jedyn z dohromady 24 třělcow. Za čitarku abo čitarja poprawom njepředstajomne, zo penaltyjowa třělwa na wobrazu puć do wrotow šła njeje.  Foto: Thomas Heide Kanadźan Hunter Garlent (nalěwo, Běła Woda) bě wčera wječor při poražce 3:4 (0:0, 2:1, 1:2 - 0:0) po třělenju penaltyjow přećiwo cyłkej EC Kassel Huskies jedyn z dohromady 24 třělcow. Za čitarku abo čitarja poprawom njepředstajomne, zo penaltyjowa třělwa na wobrazu puć do wrotow šła njeje. Foto: Thomas Heide

EHC Freiburg – Łužiske lodohokejowe liški 3:2 po podlěšenju (1:1, 1:0, 0:1 – 1:0)

Wot prěnjeho bullyja sem přewzachu Łu­­ži­ske lodohokejowe liški režiju. Přihrawka Bretta Carsona před wrota přinjese prěni raz strašnosć před kašćikom domjacych. Liški skutkowachu wuwotpočowane, wone wuwojowachu sej jednu šansu po druhej a dyrbjeli hižo zahe nawjedować. Prěnja třělwa na wrota Liškow bě hakle w 6. min. Tola Chris Billich bě puk předaloko dolěwa měrił. Po tym zo Hunter Garlent w druhim pospyće po přihrawce Jakuba Kanije hišće žane zbožo njeměješe, běše to Richie Mueller, kiž po rja­nym předdźěle Illije Fleischmanna 1:0 za Liški docpě (8.). Tež po tym jeničce hosćo ćišć wukonjachu. Freiburg dósta so jenož jara zrědka přez módru liniju do nadběhoweje třećiny. Hdyž pak, da bu strašne. Přihrawku Tysona McLellana Marc Wittfoth před wrotami Běłowodźanow snadnje misny. A hižo z druhej třělwu Calvin Pokorny w 12. min. wuruna, štož bě chětro překwapjace. Njejasne wosta, kak běše so hrajny nastroj docyła přez liniju do wrotow sunyć móhł. Tak dźěše z přemało wrotami z wida hosći do prěnjeje přestawki.

wozjewjene w: Sport
Prošu přizjewće so, chceće-li komentar podać

Serbska debata

nowostki LND