Sport (11.03.22)

pjatk, 11. měrca 2022
artikl hódnoćić
(0 )

Pěši z Hórkow do Radworja

„Tak njejsy Łužicu hišće ženje dožiwił“, pisataj Hórčanka Leonie Matješkec a Radworčan Matej Wjeńka pod . Wonaj organizujetaj zhromadnje z přećelku a přećelom we Łužicy pućowanje wot Hórkow do Radworja. Kóždy sam móže wuspytać, hdźe ma swoje hranicy a kak móže je na 50kilometrowskej distancy přewinyć. Sobotu, 11. junija, startuja wobdźělnicy rano we wosmich při Hórčanskim sportnišću, cil je wokoło 20 hodź. Radworska kupa. Startowy pjenjez wučinja 25 eurow. Za to dóstanje kóždy wobdźělnik podłu čary na dwěmaj stacijomaj njealkoholiske napoje a přikuski, móžnosć dušowanja w Radworju a zastup na party po „maršu“. Přizjewić móža so zajimcy pod horjeka mjenowanej internetnej stronu.

Winowatostne koparske hry

Dypkowa hra FC Energije Choćebuz přećiwo 1. FC Lokomotiwje Lipsk jutře, sobotu, w Choćebuzu njebudźe. Koro­napandemija duelej zadźěwa. We wyšej lize wočakuje prěnje koparske mustwo Biskopičanskeho KT 08 jutře w 14 hodź. FC International Lipsk. Koparjo Budissy Budyšin nastupja zajutřišim, njedźelu, w 14 hodź. w Erfurće.

Přihotowanske koparske hry

wozjewjene w: Sport
Prošu přizjewće so, chceće-li komentar podać

Serbska debata

nowostki LND