Hlinowski SK 1931 – ST Marijina hwězda 1:1 (1:0)
Za hosći zasadźeni: Matik – R. Cyž, Hawš, Kreuz, Wróbl, Ch. Cyž, Pjetaš, Lugge, Jurš, Peschmann, Pakoßnick, Lukas Hoge, Weigel, Čornak, Eldor
Najrjeńše słónčne wjedro postara so zašłu njedźelu wo optimalne wuměnjenja za přećelsku koparsku hru mjez wokrjesnym ligistom z Hlinowca a wokrjesnym wyšim ligistom z Pančic-Kukowa.
Na twjerdym polu so domjacy lěpje do partije namakachu. A tak z prěnjej prawej móžnosću nawjedowachu. Wólny kop bu do šěsnatki sflankowany, hdźež Sebastian Döring bul z něhdźe pjeć metrow bjez wulkich problemow njedźeržomnje do přećiwniskeho kašćika zhłójčkowa (9.). Dalše wotzamknjenje Hlinowčanow po dwaceći mjeńšinach njeje žanu strašnosć wuprudźało.