Zo je sportowanje za ćěło a dušu strowe, to je nam bjezdwěla jasne. Tola hdys a hdys stanu so tola njezboža, při kotrychž so sportowče abo sportowcy zranja. A to njedyrbi runjewon na tym zaležeć, dokelž běše sportowc na přikład při wolejbulu po blokowanju na nohu přećiwnika stupił abo dokelž bě kopar při hłójčkowanju z přećiwnikom hromadźe zrazył. Na čož skerje njemyslimy je, zo móže tež material móžna přičina za zranjenja być. Na přikład měješe Mbappe ewentuelnje nowych črijow dla problemy. Wón so kónc septembra w Nations League přećiwo Turkowskej po swojich wrotach za Francosku na kolenje zrani. Po lětdźesatkomaj bě Mbappe sportowu marku Nike wopušćił a zrěčenje pola šwicarskeje firmy ON podpisał. Hižo dny do toho bě španiski sportowy fyzioterapeut Angel Villanueva jeho zjawnje před wjetšim strachom zranjenja w zwisku z nowymi črijemi warnował. Villanueva měni, zo so přez nowe črije poćežowanje na koleno změni a z tym temporarnje strach za zranjenja zwyša.