Pokiwy (03.06.15)
Wo swjedźenju Božeho ćěła
Chrósćicy. W Hessenskej telewiziji pokazaja jutře, 4. junija, w 10.30 hodź. kulturnu dokumentaciju „Bože ćěło drastu nosyć“ (Tracht tragen an Fronleichnam). Do filma zapřijaty je něhdźe dźesaćminutowski wotrězk wo swjedźenju Božeho ćěła w Chrósćicach. Režiserka Brunhilde Miehe je w Ludowym nakładnistwje Domowina před někotrymi lětami wozjewiła swoju knihu wo serbskich drastynošerkach „Drasće swěrne wostali“.
Pytaja hóstnych staršich
Pokiwaj (02.06.15)
Přednošujetej wo nałožkach
Stróža. Z nałožkami Serbow w běhu lěta zaběra so přednošk dr. Ines Kelleroweje a Andreje Pawlikoweje jutře, srjedu, w 19 hodź. w Stróžanskim Domje tysac hatow. Zastup płaći dwaj euraj, potuńšeny euro. Zarjadnistwo biosferoweho rezerwata Hornjołužiska hola a haty wšitkich zajimcow wutrobnje přeproša.
Na „hłownu“ Viktorije
Worklecy. Sportowe towarstwo Viktoria Worklecy přeproša swojich čłonow, přećelow a sympatizantow na hłownu zhromadźiznu, kotraž budźe pjatk, 5. junija, w 19 hodź. we Worklečanskej sportowej hali. Nimo rozprawy a přichodnych předewzaćow informuja tam wo planowanym přetwarje sportownje.
W galeriji Budissin na Hrodowej 19 wotewru dźensa w 19 hodź. ...
Předawaja lisćiki za festiwal
Budyšin (SN). Za XI. mjezynarodny folklorny festiwal „Łužica 2015“ započnje so póndźelu, 1. junija, předpředań zastupnych lisćikow. Kartki poskićataj Budyska Serbska kulturna informacija a Chróšćanski časnikar Jürgen Njek. Kombinowany tiket za sobotu, 11., a njedźelu, 12. julija, w Chrósćicach płaći za dorosćeneho w předpředani 13, při wječornej kasy 18 eurow. Potuńšene lisćiki za šulerjow, studentow a zbrašenych płaća w předpředani pjeć, při wječornej kasy šěsć eurow. Swójbnu kartku dóstanjeće, hdyž předpołožiće swójbny pas. W tym padźe płaćitaj staršej połnu płaćiznu, dźěći maja darmotny zastup.
Za swjedźenske zahajenje z galaprogramom štwórtk, 9. julija, w 19.30 hodź. na Budyskim hrodźe Němsko-Serbske ludowe dźiwadło zastupne lisćiki předawa. Za dorosćeneho płaći tajki w předpředani wosom, při wječornej kasy dwanaće, potuńšene w předpředani pjeć a při wječornej kasy dźewjeć eurow.
Sprjewine město zaso wulce swjeći
Budyšin (SN). Wot dźensnišeho hač do njedźele wotměwa so zaso Budyske nalěćo. Na wopytowarjow čaka hudźba na mnohich jewišćach, słódne jazyki móža so na kulinariske wosebitosće wjeselić. Serbska piwowa zahroda je zaso pod Bohatej wěžu. Mjez hudźbnymi a dalšimi skupinami su wjacore, kotrež hišće w Budyšinje byli njejsu. Derje znata je porno tomu Smjerdźečanska rejwanska skupina, kotraž ze skupinu Sprjewjan sobotu w 14.30 hodź. na jewišću na Žitnych wikach swój nowy program z wěncom serbskich ludowych rejow předstaji.
K njedźelnemu rańšemu piwku hraje wot 11 hodź. na Hłownym torhošću dixielandowa kapała Leipziger Allstars, zestajana z jazzowych hudźbnikow z časa NDR. W samsnym času móžeš sej rańše piwko tež na Žitnych wikach popřeć a při tym na zynki Chróšćanskich muzikantow z Achimom Dučmanom słuchać.
Pokiwy (29.05.15)
Safari po rezerwaće
Stróža. Hižo rano w šesćich poda so znajer přirody Gisbert Hiller jutře, 30. meje, ze zajimcami z Domu tysac hatow w Stróži na safari po biosferowym rezerwaće. Jedna ze stacijow je mjez druhim wuhladnišćo „Při Ćežkej horje“ w susodstwje Wochožanskeje jamy, zwotkelž podadźa so pućowacy dale do kulturneje krajiny a do rezerwata Dubjanski lěs.
Pohladaj tola raz nutř ...
Budyšin. Štóž sej rady tykowane domy wobhladuje, tón chce twarjenje zawěsće tež jónu wotnutřka widźeć. Činić móža to zajimcy njedźelu, 31. meje, na dnju wotewrjenych tykowanych domow Němskeje wot 10 do 17 hodź. tež w Budyskim a Zhorjelskim wokrjesu. Wćipnych hosći mjez druhim rady w Kumwałdźe, Habrachćicach, w Hrodźišću, we Wósporku a Małym Wosyku rady witaja. Na tójšto městnach, kaž w domizniskich muzejach, su tež wodźenja planowane. Za wopytowarjow změja wobsedźerjo tykowanych domow za wopytowarjow zakusk přihotowany.
Mytuja najrjeńše zapřahi
Protyka (29.05.15)
Pjatk 29. do 31.5. Budyske nalěćo
10. srjedźowěkowski swjedźeń w Dešnjanskim muzeju
19:30 Serbske młodźinske dźiwadło při NSLDź „Wokomik prošu“ w Budyskim Dźiwadle na hrodźe
Sobotu 30. a 31.5 Wjesny swjedźeń w Kulowcu
9:30 Volleyballowy turněr delnjoserbskeje młodźiny
w Prjawozu
11:00 Literarny brunch „jejko k snědani“
we Wojerowskej kulturnej fabrice
14:00 Dźěćacy swjedźeń na Mortkowskej twjerdźiznje
15:00 Swjedźeń towarstwow w Hórnikečanskim
wobydlerskim centrumje
17:00 Koncert z oratorijowym chórom Wojerecy
w tamnišej Janskej cyrkwi
20:00 Mejemjetanje ze zabawu w Salowje
Njedźelu 31.5. 9:00 Wulki dźěćacy swjedźeń
wokoło Ramnowskeho hrodu
10:00 Dźeń wotewrjenych tykowanych domow
w Hornim kraju
11:00 Wodźenje po Wětničanskim parku k dnjej parka
Póndźelu 1.6. 10:30 Dźěćacy swjedźeń w Małowjelkowskim prazwěrjencu
Rozhłós (29.05.15)
Njedźelu hornjoserbsce
11:00 Łužica tónle tydźeń, mjez druhim z powěsćowym přehladom tydźenja
11:10 Dołhodobny projekt WITAJ-dźěći (dalše pokročowanje)
11:40 Biblioteki na kraju
12:00 Nabožne wusyłanje
(Jan Malink)
po tym Zbožopřeća
delnjoserbsce
12:30 Aktualny magacin, mjez druhim wo wólbach Serbskeje rady 2015 a z komentarom „Tak ja to widźu“
13:00 40 lět Lubinski žónski chór – hudźbny portret
13:30 Nabožne wusyłanje
(Cyril Pjech)
13:40 Zbožopřeća
Pokiwaj (28.05.15)
Delanska šula swjeći
Ralbicy. Serbska šula Ralbicy swjeći jutře, pjatk, swoje 40lětne wobstaće a zjawne wotewrjenje ponowjeneho šulskeho twara. Šulerjo a wučerjo přeprošeja hosći w 15.30 hodź. na kofej na dworje. Ze zhromadnym programom wobrubitej zakładna a wyša šula w 17 hodź. zjawne přepodaće nowotwara. K rejam zahudźi wot 20 hodź. kapała SerBeat.
Na šulski swjedźeń
Pančicy-Kukow. Šula Ćišinskeho w Pančicach-Kukowje přeprošuje jutře, pjatk, wot 16 hodź. staršich, dźědow a wowki, něhdyšich a přichodnych šulerjow na zjawny šulski swjedźeń. Hosćo dožiwja mejemjetanje 3. a 4. lětnika, móža sej ponowjenu šulu wobhladać a po małych čaporowych wikach dundać. Wo ćělne derjeměće budźe postarane.
Do kina (28.05.15)
28.5.–3.6.2015: San Andreas: wšědnje 17:15 a 19:45 hodź. | pj a so 22:30 hodź. | w 3 D A World Beyond: wšědnje 17 hodź. (nimo pó) a 19:45 hodź. (nimo pó) | pó 14:14 hodź. Mad Max: wšědnje 19:45 hodź. | w 3 D Pitch Perfect 2: wšědnje 18:15 a 20:30 | pj a so 22:45 hodź. Ostwind 2 – Rückkehr nach Kaltenbach: hodź. 13:45 hodź. (nimo štw a srj) a 16 hodź. | nj 12:30 hodź. Kein Ort ohne Dich: nj 12:30 hodź. | so 14:30 hodź. Avengers: Age of Ultron: wšědnje 16:45 hodź. | pj a so 22:15 hodź. | w 3 D Honig im Kopf: pj, so, nj a wu 14:15 hodź. Tinkerbell und die Legende vom Nimmerbiest: wšědnje 15 hodź. (nimo štw a srj) | w 3 D Fast & Furious 7: pj a so 22:15 hodź. Shaun das Schaf: nj 12 hodź. Der Nanny: pj, nj, pó a wu 15 hodź.
Kino-ekstra: The Imitation Game: pó 17:15 a 20:15 hodź.
