Sport (08.01.16)

pjatk, 08. januara 2016
artikl hódnoćić
(0 )

Wubranka hraje w Ústíju

Serbska koparska wubranka muži testuje zajutřišim, njedźelu, w čěskim měsće­ Ústíju nad Labem přećiwo zastupjerjej druheje čěskeje ligi FK Ústí nad Labem. Zakop w stadionje na Masarykowej 228 budźe w 13 hodź.

Lodohokejowy derby

Jutře wuhraje so w lodohokejowej lize DEL 2 zymski derby mjez Drježdźan­skimi lodowymi lawami a Łužiskimi liškami­ z Běłeje Wody. Hrać budu pod hołym njebjom w Drježdźanskim stadionje Dynama, a to wot 16.15 hodź. Zastup do areny je wot 13 hodź. móžny.

Gymnastika dale dźe

Viktoria Worklecy poskići wot 13. januara zaso kóždu srjedu wot 20 do 21 hodź. gymnastiku. Wšitke zajimče su do­ Worklečanskeje ćěłozwučowarnje přeprošene. Nowa wjednica kursa je serbska fyzioterapeutka Sylwija Šołćina.

Prěnja mountainbike-tura

Kamjenski bikehouse přeproša wšitkich zajimcow na prěnju mountainbiketuru, a to njedźelu, 10. januara. Tempo a niwow budźetej zaso skupinje přiměrjenej. Tura započnje so při bikehousu a ma dwě do tři hodźiny trać.

Viktoria chce zaso na čoło

wozjewjene w: Sport
Prošu přizjewće so, chceće-li komentar podać

Serbska debata

nowostki LND