Spjećowanje přećiwo wokrjesnej reformje w Braniborskej přiběra
Choćebuz (dpa/SN/MkWj). Wot braniborskeho knježerstwa planowana wokrjesna reforma njeje w dotalnej formje hižo zwoprawdźomna. Wo tym su wyši měšćanosća bjezwokrjesnych městow Frankfurta nad Wódru, Brandenburga nad Habolu a Choćebuza přeswědčeni. Pozadk su interne informacije z nutřkowneho ministerstwa kraja, po kotrychž ma reforma tójšto njedostatkow. Fachowcy ministerstwa skedźbnjeja w dokumenće samo na wustawoprawniske problemy. Wosebje jasnje kritizuja planowane zarjadowanje dotal bjezwokrjesnych městow do nowych wokrjesow. Wobstejace plany w tej naležnosći su z wida fachowcow „njekmane“.
