Kabul (dpa/SN). Talibanojo su w zapadoafghaniskej prowincy Herat jědnaće wukrajnych turistow, mjez nimi běchu pječa tež Němcy, wobtřěleli. Při tym so pjeć turistow zrani, zdźěli rěčnik tamnišeho guwernera. Medije běchu samo wo mortwych rozprawjeli. Wojerska eskorta skupinu přewodźeše, kotraž bě po puću do prowincneje stolicy Herat. Tam je tójšto historiskich twarjenjow. Namocy a aten­tatow dla wšak lědma hišće turisća do Afghanistana přińdu.

Wobydlerjo namołwjeni

London (dpa/SN). Reagujo na nadpad z nožom z jednej mortwej a pjeć zranjenymi wyši měšćanosta Londona Sadiq Khan wobydlerjow namołwja, měr wobchować a kedźbliwi być. 19lětny bě so wčera wječor na naměsće Russell Square z nožom do ludźi dał. Při tym žonu mori kaž tež dwě žonje a třoch muži zrani. Policija móžeše skućićela zajeć. Po prěnich dopóznaćach je wón psychisce chory.

Hinz dotal njereagowała