Schrift vergrößern
Na přeprošenje zapósłanca Lěwicy w Sakskim krajnym sejmje Hajka Kozela (srjedźa) su wčera w Nukničanskej barace młodostni ze statnym rěčnikom Jürgenom Ebertom (nalěwo) a zastupowacym nawodu Sakskeho operatiwneho wotwobaranskeho centruma Dirkom Münsterom (naprawo) wo nadpadach na serbskich młodostnych diskutowali. Hłowny wuslědk rozmołwy bě, zo dyrbja wšitcy njeskutki hnydom policiji přizjewić, zo móhła ta započeć přepytować. Foto: Feliks Haza
Nuknica (SN/JaW). Wot klětušeho změje sakska policija z „njeskutkom přećiwo etniskim mjeńšinam“ nowy kriterij za njeskutki. To připowědźi zastupowacy nawoda Sakskeho operatiwneho wotwobaranskeho centruma Dirk Münster wčera na forumje ze serbskimi młodostnymi w Nuknicy. Zdobom je tole jedna z reakcijow policije na nadpady na serbskich młodostnych w lěće 2014.
